गन्‍ती 31:16 - Sunuwar Bible

¹⁶ एको मीश मुरपुकीमी बालाम आ देंशो पशा, इस्राएली आन कली पेओरम परमप्रभु यावे कली मरिम्‍शो पपाइश्‍शो बाक्‍तेक्‍म। मोपतीके परमप्रभु यावे आ मुर आन दातेमी मुर साइक्‍ब रोइ ग्रूत। गन्‍ती २५:१-३; प्रकाश २:१४

गन्‍ती 31:16 ပူးပေါင်းရင်းမြစ်များ

हितोपदेस 23:27

तेल्‍लेम मीश मुर ठेयब खाल्‍टा खोदेंशो बाक्‍ब। ग्‍युंबे पा यो हेंथे पाइब मीश मुर लुक्‍च लशो इनार खोदेंशो बाक्‍ब। हितोपदेस २२:१४; हितोपदेस ७:१०-१४

उपदेसक 7:26

मेको बेक्‍तीक क्‍‍येङा मरिम्‍शो ब्‍वारद दाइश्‍शो खोदेंशो मीश मुर बाक्‍त। मेको आ थुं थेम्‍लु नु मेको आ गुइ चहिं पाइक्‍‍तीक साङलो बाक्‍त। सुम परमप्रभु कली ग्‍येरपाइक्‍बा, मेको रे ब्रोंइब। तन्‍न मेकोमी पाप पाइब कली चहिं आ ग्‍याइलीम रेप्‍ब। हितोपदेस २:१६-२२

गन्‍ती 24:14

मुल गो आं मुर आन बाक्‍तीके लाइनुङ। तन्‍न इस्राएलीपुकीम इन मुर आन कली नोले मार पाइक्‍नीमी, मेको इन कली शेंनुङ” देंत।

गन्‍ती 25:18

मारदे हना, मेकोपुकीमी इन कली यो श्‍येत गेचा गोम्‍तेक्‍म। मिनु इन कली बाल-पेओर कली पूजा पपाइक्‍तेक्‍म। मेना मिदयान ङा ठेयब मुर आ तमी कोज्‍बीमी इन कली श्‍येत गेपाइक्‍तु। मेको चहिं मुर साइक्‍चा रोइ बोक्‍म नाक्‍त साइक्‍चा पुंइसाक्‍व। पेओर कली पूजा पतीके मो दुम्‍शो बाक्‍त” देंत।

गन्‍ती 31:8

मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५

ब्‍यवस्‍था 4:3

मिनु परमप्रभु यावेमी बाल-पेओर मूर्ति आ नोले खोइक्‍ब आन कली मार पवा, गे आंमा ताइतीनी। मिनु परमप्रभु यावे, इन परमप्रभुमी बाल-पेओर आ नोले खोइक्‍ब वोंइश मुर नेल्‍ल साइक्‍तु। गन्‍ती २५:३-९

यहोसु 22:17

मार, पेओर नु पशो पापम आंइ कली मजाक्‍दीम्‍मे? मेना परमप्रभु यावे आ मुर शुश बेक्‍तेक्‍म हना यो, मेको आ पाप रे गो मुल सम्‍म आंम कली ठीक सेल्‍ने मचाप्‍शो बाक्‍नीक। गन्‍ती २५:१-९

२ पत्रुस 2:15

ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। गन्‍ती २२:७-३५

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११