गन्‍ती 31:13 - Sunuwar Bible

¹³ मिनु मोसा, चढ़ेब एलाजर नु मेको आन दाते ङा ठेयब मुर नेल्‍ल मेको आन कली ग्रुम्‍थ, लाङगा ग्रूतेक्‍म।

गन्‍ती 31:13 ပူးပေါင်းရင်းမြစ်များ

उत्पत्ती 14:17

मोपा अब्राम केदोर-लाओमेर नु आ वारच पिपपुकी नु लडाइ पशा ग्राशा, लेश्‍शा नोले सोदोम ङा पिप शावेह माइश्‍शो दिंमम जाक्‍शा, अब्राम कली ग्रुम्‍थ जाक्‍माक्‍त। शावेह माइश्‍शो दिंम कली पिप आन दिंम यो देंनीम। हिब्रू ७:१-४

लेवी 4:22

मिनु सासन पाइब कामी मतुइक्‍थु, परमप्रभु यावेमी मपचा, दे शेंशो पाप पाप्‍तु हना, मेको दोस ताइब दुम्‍ब।

गन्‍ती 19:11

मिनु सुमी बेक्‍शो मुर कली थीबा, मेको ७ नाक्‍त सम्‍म ग्रांग्रा दिशोन बाक्‍ब।

गन्‍ती 31:12

मिनु यरीको आ आइक्‍ची हांबु यर्दन खोला आ शुंइचीम मोआब ङा दिंममी बाक्‍शो ताम्‍बुम मोसा, चढ़ेब एलाजर नु इस्राएली नेल्‍ल आन ङोंइती चाक्‍तेक्‍म।

गन्‍ती 31:14

मिनु मोसामी लडाइ रे ग्राशा, लेश्‍शा जाक्‍शो हजार का नु सहे का ङा कप्‍तान आन कली तशा गाइक्‍ताक्‍व।

गन्‍ती 5:2

“गे इस्राएली आन कली गेपुकीमी कोव़र खोदेंशो रोइ पाइब, आन रां रे ग्रांग्रा दिशो यिशो नु बेक्‍शो मुर थिशा ग्रांग्रा दुम्‍शो मुर आन कली इन बाक्‍तीक क्‍येङा ङोन वोइक्‍चा माल्‍नीनी। लेवी १३:४६; लेवी १५:२; गन्‍ती ९:६-७

१ सामुएल 15:12

मिनु सामुएल सुनी कना बोक्‍शा सावल कली ग्रुम्‍थ लमाक्‍त। तन्‍न मुरुमी “सावल कारमेल लत” दे मेको कली नेंपदमे बाक्‍त। सावलम आंम कली मिम्‍तमेक्ल, दे आंम के मूर्ति का सेल्‍शा, गिल्‍गालम ब्रुम्‍ने थुम्‍शो बाक्‍माक्‍त। यहोसु १५:५५

१ सामुएल 30:21

नोले दाऊदम बेसोर ङा खोल्‍साम नाइश्‍शा बाक्‍शो सहे निक्‍शी मुर आन बाक्‍तीक जाक्‍माक्‍त। मेकोपुकी दाऊद कली नु मेको आ मुर आन कली ग्रुम्‍थ जाक्‍मा बाक्‍त। मिनु दाऊदम मेको नेल्‍ल आन कली “मार दुम्‍मे? दोपा बाक्‍नी” दे हिल्‍लो पवा बाक्‍त।