गन्‍ती 30:8 - Sunuwar Bible

⁸ तन्‍न मेको आ वोंइशेमी मेको लोव़ नेंना नाक्‍त मेको कली ‘मदुम्‍ब’ देंत हना, मेको आ जशो कसम नु आ ममिम्‍थु गेशो लोव़ मलीब। मिनु परमप्रभु यावेमी मेको आ पाप क्‍याम्‍ब।

गन्‍ती 30:8 ပူးပေါင်းရင်းမြစ်များ

उत्पत्ती 3:16

मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२

येरमीया 44:19

मिनु मीश मुरपुकीम “गो थमा पा सरीङ ङा पिपीम कली चढ़ेना ढ़ेन बाक्‍नीकी। मिनु मेको कली तूचा थोव़क लुक्‍नीकी। आंइ वोंइशेम वारच मप‍थु, मेको कली बटुक चोका नु तूचा थोव़क लुक्‍तका ङा?” दे लोव़ पाम्‍तेक्‍म। गन्‍ती ११-१३

लेवी 5:4

मिनु सुमी मारेइ रिम्‍शो मरिम्‍शो ममिम्‍थु कसम जाप्‍तु हना, मारेइ मतुइक्‍थु कसम जाप्‍तु हना, मिनु मेको रे मेको लोव़ ख्रुइश्‍शो बाक्‍त हना यो, मेकोमी तुइक्‍ता नोले मेको दोस ताइब दुम्‍ब।

गन्‍ती 30:5

तन्‍न आ आफोमी मेको नेना नाक्‍ती ‘मेको मदुम्‍ब’ देंत हना, मेको आ लोव़ गेशो नु आ कसम जशो मलीब। मेको आ आफोमी मदुम्‍ब देंतीके परमप्रभु यावेमी मेको आ पाप क्‍याम्‍ब।

गन्‍ती 30:7

मिनु आ वोंइशेमी मेको नेंशा यो सिक्‍सी पा बाक्‍त हना, मेको आ गेशो लोव़ बाक्‍त हना यो कसम बाक्‍त हना यो मेको लीब।

गन्‍ती 30:9

आ वोंइश बेक्‍शो नु आ वोंइशेमी प्रोंइशो मीश मुरुमी कसम जाप्‍तु हना, मेको लीब।

१ कोरिन्‍थी 14:34

मीश मुरपुकी लोव़सी मपथु, सिक्‍सी पा बाक्‍मल। मेकोपुकी ब्‍वाक्‍चा मताइनीम। मारदे हना अरेशो लोव़मी मोदेंशो ब्रेक्‍शो बाक्‍ब। मिनु मेको लोव़ मेकोपुकीम टिचा माल्‍नीम। १तिमोथी २:११-१२; उत्‍पत्ती ३:१६

१ कोरिन्‍थी 7:4

मीश मुर आ रां आ वोंइश आ अधिकारम बाक्‍ब। आ वोंइश आ रां आ मीश आ अधिकारम बाक्‍ब।

१ सामुएल 1:23

मिनु मेको आ वोंइश एल्‍कानामी “गे मार दाक्‍ती, मेकोन पावो। मेकोम दूध मप्रोना सम्‍म खिं उइ बाक्‍को। परमप्रभु यावेम आ पशो लोव़ कबल” देंमाक्‍त। मिनु हान्‍नाह आलम दूध मप्रोना सम्‍म खिं उइ बाक्‍शा, थुल्‍शा, मेको कली कोल्‍पदा बाक्‍त।