गन्‍ती 3:6 - Sunuwar Bible

⁶ “लेवी आ थर ङा मुर आन कली ब्रेश्‍शा, मेको आन कली चढ़ेब हारून आ ङोंइती राप्‍पाइक्‍मी। मिनु मेकोपुकीमी मेको कली वारच पचा माल्‍नीम। प्रस्‍थान ३२:२९

गन्‍ती 3:6 ပူးပေါင်းရင်းမြစ်များ

१ इतिहास 15:2

मिनु नोले दाऊदम “लेवी आ थर ङा मरुमी ला परमप्रभु आ सन्‍दोस कुरचा माल्‍नीम” दे हुकुम पवा बाक्‍त। मारदे हना परमप्रभु यावेमी लेवी आन कली आ सन्‍दोस कुरचा नु गेना हना यो परमप्रभु आ गेय पचा कली योव़शो बाक्‍मा बाक्‍त।

१ इतिहास 23:28

मेकोपुकीमी हारून आ तौ परमप्रभु यावे आ खिं ङा गेय पतीकेम वारच पचा माल्‍मा बाक्‍त। लाङगा नु कोठापुकी कोव़चा, चोव़खो थोव़कपुकी सफा पचा, परमप्रभु आ खिं ङा अरु गेय नेल्‍ल पचा माल्‍बाक्‍मा बाक्‍त।

१ इतिहास 23:32

मोपा मेकोपुकीमी ग्रुम्‍तीक ताम्‍बु नु चोव़खो बाक्‍तीक नेल्‍ल कोव़चा माल्‍मा बाक्‍त। मिनु मेकोपुकीमी हारून आ तौ चच आन दी बाक्‍शा परमप्रभु यावे आ खिं ङा गेय पचा माल्‍बाक्‍मा बाक्‍त।

१ इतिहास 6:33

मेको कुम्‍सो पाइब नु आन तौ सु सु बाक्‍मा बाक्‍त देंशा हना, कोहाथ आ खिं ङा कुम्‍सो पाइब हेमान बाक्‍माक्‍त। हेमान योएल आ तौ बाक्‍माक्‍त। योएल सामुएल आ तौ बाक्‍माक्‍त। १इतिहास १५:१७,१९

२ इतिहास 29:11

मोपतीके आं तौपुकी, मुल देश मपने। मारदे हना गे परमप्रभु यावे आ ङोंइती राप्‍शा आ गेय पचा कली नु मेको कली चढ़ेचा कली योव़सीशो बाक्‍नीनी” देंमाक्‍त।

एज्रा 6:18

मिनु मेकोपुकीमी मोसा आ किताबमी ब्रेक्‍शो खोदेंशो पा चढ़ेब आन पालो पालो पा नु लेवी आन पालो पालो पा यरूसलेममी परमप्रभु आ गेय पचा कली लेंशा वोइक्‍तेक्‍म। गन्‍ती ३:६

मलाकी 2:4

गो लेवी नु पशो कबल गेना हना यो लील, दे इन कली मेको शेंतीक सोइक्‍ताक्‍ङ।

गन्‍ती 18:21

गो लेवी आ मुर आन कली ग्रुम्‍तीक ताम्‍बुमी गेय पचा कली इस्राएली नेल्‍ल आन १० भाग ङा भाग का गेतामी। लेवी २७:३०

गन्‍ती 2:17

मिनु ग्रुम्‍तीक ताम्‍बु नु लेवी आन बाक्‍तीक ताम्‍बु कुरशा गाक्‍चा माल्‍नीम। दोदेंशो पा आन ताम्‍बु कीशो बाक्‍मे, मोदेंशो पा आन छेदर आ नेक्‍था गाक्‍चा माल्‍नीम। गन्‍ती १०:१७,२१

गन्‍ती 2:33

मिनु परमप्रभु यावेमी मोसा कली अरेशो खोदेंशो पा लेवी आ थर ङा मुर अरु इस्राएलीपुकी खोदेंशो पा मखुप्‍शो महिक्‍शो बाक्‍तेक्‍म। गन्‍ती १:४८-४९

गन्‍ती 3:5

परमप्रभु यावेमी मोसा कली

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७