गन्‍ती 3:47 - Sunuwar Bible

⁴⁷ मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।

गन्‍ती 3:47 ပူးပေါင်းရင်းမြစ်များ

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

प्रस्‍थान 38:24

परमप्रभु यावे आ बाक्‍तीक नु मेकेर माल्‍शो मारेइ मारेइ सेल्‍चा कली मुर आन गेशो सुन गिश दुम्‍माक्‍त देंशा हना, २९ टलेन्‍ट नु ७ सहे ३० शेकेल दुम्‍त। नेल्‍ल नाक्‍शा, हजार का किलो खोदेंशो दुम्त। टलेन्‍ट का ३४ किलो बाक्‍ब। शेकेल का ११.५ ग्राम, तोला का खोदेंशो बाक्‍ब।

इजीकीएल 45:12

शेकेल का २० गेराह दुम्‍चा माल्‍ब। २० शेकेल, २५ शेकेल नु १५ शेकेल नेल्‍ल पा मीना का दुम्‍चा माल्‍ब” देंत। शेकेल का ११.५ ग्राम बाक्‍ब। गेराह का ०.६ ग्राम बाक्‍ब। मीना का ६०० ग्राम खोदेंशो बाक्‍ब।

लेवी 27:25

मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।

लेवी 27:3

मेकोमी २० बर्स रे ६० बर्स सम्‍म ङा वोंइश मुर आन पर्बम आं ताम्‍बु ङा चांदी के ५० शेकेल परमप्रभु यावे कली गेचा माल्‍नीम। शेकेल इस्राएली आन क्‍येट बाक्‍ब। शेकेल का ११.५ ग्राम चांदी बाक्‍ब। ताम्‍बु ङा शेकेल चहिं १२ ग्राम बाक्‍त। न्‍यायाधीस ११:३१; १सामुएल १:११

लेवी 27:6

मिनु महिना का रे ५ बर्स सम्‍म ङा वोंइश आल आन पर्बम चांदी के ५ शेकेल नु मीश आल आन पर्बम चांदी के शेकेल सां गेचा माल्‍नीम।

गन्‍ती 18:16

मेको आन कली प्रोंइतीक क्‍येट महिना का गाप्‍शो कली चांदी के ५ शेकेल ताक्‍चा माल्‍नेवे। मेको ताम्‍बु ङा शेकेल बाक्‍चा माल्‍नीम। मेको ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ताम्‍बु ङा शेकेल का १२ ग्राम ङा क्‍येट बाक्‍ब। लेवी २७:६,२७

गन्‍ती 3:48

मिनु गे इस्राएली आन कली प्रोंइचा कली गेशो शेकेल हारून नु आ तौ आन कली गेचा माल्‍नेवे” देंत। शेकेल इस्राएली आन क्‍येट बाक्‍ब। बजार ङा शेकेल ११.५ ग्राम बाक्‍ब। ताम्‍बु कली गेतीक शेकेल चहिं १२ ग्राम बाक्‍ब। मेको सुन के नु चांदी के शेकेल बाक्‍नीम।

गन्‍ती 3:50

मिनु मेकोमी इस्राएली आन ङोंइती जरमेशो तौ रे प्रोंइतीक क्‍येट ताक्‍शा, मेको हजार का सहे सां ६५ ताम्‍बु ङा शेकेल बाक्‍तेक्‍म।

गन्‍ती 7:13

मिनु मार चाक्‍तु देंशा हना, सहे का ३० शेकेल ङा चांदी के थाल का ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त। ताम्‍बु ङा शेकेल का १२ ग्राम ङा क्‍येट बाक्‍ब। बजार ङा शेकेल चहिं ११.५ ग्राम बाक्‍ब।