गन्‍ती 3:40 - Sunuwar Bible

⁴⁰ मिनु परमप्रभु यावेमी मोसा कली “महिना का गाप्‍शो नु मेको क्‍येङा लाक्‍शो इस्राएली आन ङोंइती जरमेशो तौ नेल्‍ल आन कली हिक्‍शा आन नें ब्रेक्‍तो।

गन्‍ती 3:40 ပူးပေါင်းရင်းမြစ်များ

भजन संग्रह 87:6

परमप्रभु यावेमी जात जात ङा मुर आन नें का का पा आ किताबमी ब्रेक्‍ब। मिनु “एको नु मेको सियोनमी जरमेशो बाक्‍ब” दे ब्रेक्‍ब। ठेयब सेंदा पा।

यसैया 4:3

मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६

गन्‍ती 3:12

“गो इस्राएली आन ङोंइती जरमेशो तौ आन पा ङा लेवी आ थर ङा मुर आन कली इस्राएली आन दाते रे योव़तामी। मोपतीके लेवी आ मुर आं केन बाक्‍नीम। गन्‍ती ८:१६; प्रस्‍थान १३:२

गन्‍ती 3:15

“गे लेवी आ थर ङा मुर आन कली आन खिं खिं पा हिक्‍मी। महिना का गाप्‍शो नु मेको क्‍येङा लाक्‍शो वोंइश मुर नेल्‍ल आन कली हिक्‍मी” देंत।

गन्‍ती 3:41

मिनु गे इस्राएली आन ङोंइती जरमेशो तौ आन पा ङा लेवी आ मुर आन कली आं के सेल्‍मी। मोपा इस्राएली आन ङोंइती जरमेशो बी ब्‍यफ क्‍यारश भेडा आन पा ङा लेवी आन बी ब्‍यफ क्‍यारश भेडा आं के सेल्‍मी। गो परमप्रभु यावे नङ” देंत। गन्‍ती १८:१५

गन्‍ती 3:45

“इस्राएली आन ङोंइती जरमेशो तौ आन पा ङा लेवी आ मुर आं के सेल्‍मी। मिनु मेको आन बी ब्‍यफ, क्‍यारश भेडा आन पा ङा लेवी आ मुर आन बी ब्‍यफ, क्‍यारश भेडा आं के सेल्‍मी। लेवी आ मुर आं के बाक्‍नीम। गो परमप्रभु यावे नङ।

लूका 10:20

वोलम इन देंशो टीनीम, दे तुइक्‍नीनी। मेको आ पर्बम मग्‍येरसीन। तन्‍न ‘परमप्रभु यावे आ मुर दुम्‍शा, इं नें परमप्रभु यावे नु ब्रोंइचा ताइब आन किताबम ब्रेक्‍साक्‍व’ दे तुइश्‍शा थाम्‍पा ग्‍येरसीने” दे माइक्‍मी बाक्‍त। प्रस्‍थान ३२:३२; यसैया ४:३; फिलिप्‍पी ४:३; प्रकाश ३:५

फिलिप्‍पी 4:3

मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 12:23

आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

प्रकाश 3:5

सु सुमी सैतान कली ग्रानीमी, मेको आन कली मोपा बुश वा फेक्‍चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्‍शो किताब रे मक्‍याम्‍नुङ। गोमी आं आफ नु आ स्‍वर्ग ङा गेय पाइब आन ङोंइती ‘मेको आं मुर नम’ देंनुङ। प्रकाश ७:१३; लूका १०:२०; मत्ती १०:३२