गन्‍ती 3:25 - Sunuwar Bible

²⁵ गेरशोन आ मुरपुकीमी ग्रुम्‍तीक ताम्‍बु कली सुम्‍तीके, ग्रुम्‍तीक ताम्‍बु आ आगा ओव़तीक ङा फारशो वा,

गन्‍ती 3:25 ပူးပေါင်းရင်းမြစ်များ

१ इतिहास 23:32

मोपा मेकोपुकीमी ग्रुम्‍तीक ताम्‍बु नु चोव़खो बाक्‍तीक नेल्‍ल कोव़चा माल्‍मा बाक्‍त। मिनु मेकोपुकीमी हारून आ तौ चच आन दी बाक्‍शा परमप्रभु यावे आ खिं ङा गेय पचा माल्‍बाक्‍मा बाक्‍त।

२ इतिहास 31:2

पिप हिज्‍कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्‍पदा बाक्‍त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्‍चा आ पर्बम चढ़ेचा, परमप्रभु यावे कली “गे रिम्‍शो पाइब बाक्‍नीनी” दे कुम्‍सो पा, ठेयब सेल्‍तीक कुम्‍सो नु परमप्रभु यावे आ बाक्‍तीक ङा लाप्‍चो आ ङोंइती गेय पचा कली आन पालो योक्‍शा गेशो बाक्‍त।

प्रस्‍थान 25:9

गो इ कली कोंइशो खोदेंशो पा ताम्‍बु सेल्‍पाइक्‍चा माल्‍नेवे। आगाम मार मार वोइक्‍चा माल्‍नेवे, मेको आं कोंइशो खोदेंशो पा सेल्‍पतो। प्रस्‍थान २५:४०; प्रस्‍थान २६:३०; प्रस्‍थान २७:८

प्रस्‍थान 40:19

परमप्रभु यावे आ बाक्‍तीक तारी सुम्‍तीके यो कोप्‍ताक्‍व। परमप्रभु यावेमी मोसा कली दोपा अरेवा, मोपा पाप्‍तु।

प्रस्‍थान 40:28

नोले ताम्‍बु ङा ओव़तीकेम फारतीक वा क्‍युक्‍तु।

गन्‍ती 1:50

तन्‍न गे लेवी आन कली आं कबल पशो सन्‍दोस वोइश्‍शो ताम्‍बु नु आ मारेइ मारेइ थोव़क कोव़चा कली वोइक्‍मी। मेकोपुकीमी ग्रुम्‍तीक ताम्‍बु नु आ मारेइ मारेइ थोव़क कुरचा माल्‍नीम। मेकोपुकीमी मेको कोव़चा माल्‍नीम। मिनु आन ताम्‍बु ग्रुम्‍तीक ताम्‍बु आ एर ओंथ कीचा माल्‍नीम।

गन्‍ती 10:17

मिनु नोले ग्रुम्‍तीक ताम्‍बु पोक्‍शा, गेरशोन आ मुरपुकी नु मेरारी आ मुरपुकीमी मेको कुरशा, गाक्‍तेक्‍म।

गन्‍ती 3:24

गेरशोनी आन खिं ङा ठेयब मुर, लाएल आ तौ एली-आसाफ बाक्‍त।

गन्‍ती 3:7

मिनु मेकोपुकीमी हारून कली वारच पा इस्राएली नेल्‍ल आन पर्बम ग्रुम्‍तीक ताम्‍बु आ ङोंइती गेय पचा माल्‍नीम। गन्‍ती १८:३; गन्‍ती १६:९

गन्‍ती 7:7

मिनु मेकोमी बग्‍गी निक्‍शी नु ४ ओटा ब्‍यफ गेरशोन आ तौ आन गेय कोव़शा, मेको आन कली गेम्‍तीमी।

मर्कूस 13:34

दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।

कलस्‍सी 4:17

गेपुकीमी अरकीप्‍पस कली “प्रभुमी इ कली गेशो शेंतीक गेय नेल्‍ल रिम्‍शो पावो” दे मतीन। फिलेमोन २

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३