गन्‍ती 3:19 - Sunuwar Bible

¹⁹ कोहाथ आ तौ अम्राम नु आ खिं ङा मुर नु इच्‍हार नु आ खिं ङा मुर, हेब्रोन नु आ खिं ङा मुर नु उज्‍जीएल नु आ खिं ङा मुर बाक्‍तेक्‍म।

गन्‍ती 3:19 ပူးပေါင်းရင်းမြစ်များ

१ इतिहास 15:5

मेको सु सु बाक्‍मा बाक्‍त देंशा हना, कोहाथ आ तौ आन ठेयब मुर उरीएल नु सहे का २० जना आन खिं खिं ङा मुर बाक्‍मा बाक्‍त।

१ इतिहास 25:4

हेमान आ तौपुकी बुक्‍कीयाह, मत्तन्‍याह, उज्‍जीएल, शेबुएल, येरीमोथ, हनान्‍याह, हानानी, एली-आथा, गिदाल्‍ती, रोमाम्‍ती-एजेर, योश्‍बे-काशाह, माल्‍लोथी, होथीर नु माहाजी-ओथ बाक्‍मा बाक्‍त।

१ इतिहास 6:18

कोहाथ आ तौ अम्राम, इच्‍हार, हेब्रोन नु उज्‍जीएल बाक्‍मा बाक्‍त।

१ इतिहास 6:38

इच्‍हार कोहाथ आ तौ बाक्‍माक्‍त। कोहाथ लेवी आ तौ बाक्‍माक्‍त। लेवी इस्राएल आ तौ बाक्‍माक्‍त।

२ इतिहास 29:12

मिनु लेवीपुकी गेय पचा कली बोक्‍मा बाक्‍त। मेको सु सु बाक्‍मा बाक्‍त देंशा हना, कोहाथी रे अमासै आ तौ माहाथ, अजारयाह आ तौ योएल, मेरारी रे अब्‍दी आ तौ कीश नु येहल्‍लेल आ तौ अजारयाह, गेरशोनी रे जिम्‍माह आ तौ योआह नु योआह आ तौ एदेन,

प्रस्‍थान 6:16

मिनु लेवी आ तौ आन खिं खिं ङा मुर सु सु बाक्‍मा बाक्‍त देंशा हना, गेरशोन, कोहाथ नु मेरारी बाक्‍मा बाक्‍त। मिनु लेवी सहे का ३७ बर्स ब्रोंइमाक्‍त। १इतिहास ५:२७-३०; १इतिहास ६:१-४

प्रस्‍थान 6:18

कोहाथ आ तौपुकी अम्राम, इच्‍हार, हेब्रोन नु उज्‍जीएल बाक्‍मा बाक्‍त। मिनु कोहाथ सहे का ३३ बर्स ब्रोंइमाक्‍त।

प्रस्‍थान 6:20

मिनु अम्राममी आ आफ आ समी चाक्‍गा बाक्‍त। मेको आ नें योकेबेद बाक्‍माक्‍त। मेकोमी हारून नु मोसा थिमाक्‍त। अम्राम सहे का ३७ बर्स ब्रोंइमाक्‍त। प्रस्‍थान २:१; लेवी १८:१२

जकरिया 12:13

लेवी आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम। शिमेइ आ खिं ङा वोंइश मुरपुकीमी रोंका पचा माल्‍नीम। मिनु मेको आन मीश आन दातेमी रोंका पचा माल्नीम।

गन्‍ती 3:18

गेरशोन आ तौ लिब्‍नी नु आ खिं ङा मुर नु शिमेइ नु आ खिं ङा मुर बाक्‍तेक्‍म।

गन्‍ती 3:20

मेरारी आ तौ माहली नु आ खिं ङा मुर नु मुशी नु आ खिं ङा मुर बाक्‍तेक्‍म। एको लेवी आ थर ङा मुर आन खिं खिं ङा मुर बाक्‍तेक्‍म।

गन्‍ती 3:27

कोहाथ रे पा अम्राम आ खिं ङा मुर, इच्‍हार आ खिं ङा मुर, हेब्रोन आ खिं ङा मुर नु उज्‍जीएल आ खिं ङा मुरपुकी दुम्‍तेक्‍म। मेको कोहाथ आ खिं खिं ङा मुर बाक्‍नीम।