38 मिनु मेको नु पाप पशो आ पर्बम बोका का चढ़ेचा माल्नीनी। मेको पाप पशो क्याम्तीक गेय पचा कली चढ़ेशा यो नाक्त किंत किंत ङा चोशा चढ़ेतीके, मेको नु अन्न चढ़ेतीके नु तूचा थोव़क चढ़ेतीके चढ़ेचा माल्नीनी।
मेको नाइक्तीक नाक्ती ङा चोशा चढ़ेतीके बाक्ब। मेको नाक्त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्नीनी।
मेको नु अन्न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्यफ, सांड नु पाठा आन कली हिक्शा, चढ़ेचा माल्नीनी।
मिनु गे मेको चढ़ेतीके नेल्ले इन कली ङोंइती देंशो नाक्तीम परमप्रभु यावे कली चढ़ेचा माल्नीनी। मेको नु इन नाक्त किंत किंत ङा चढ़ेतीके, इन ग्येरशा चढ़ेतीके, चोशा चढ़ेतीके, इन अन्न चढ़ेतीके, इन तूचा थोव़क चढ़ेतीके नु इन दुशा बाक्चा आ पर्बम चढ़ेतीके चढ़ेशा यो मेको चढ़ेचा माल्नीनी’ देनो” देंत।