21 मेको नु अन्न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्यफ, सांड नु पाठा आन कली हिक्शा, चढ़ेचा माल्नीनी।
मिनु मेको आ दीसा गे ११ ओटा ब्यफ, सांड निक्शी १४ ओटा बर्स का गाप्शो पाठा चढ़ेचा माल्नीनी। मेको नेल्ल मारेइ मदुम्शो थम रिम्शो बाक्चा माल्नीम।
मिनु मेको नु पाप पशो आ पर्बम बोका का चढ़ेचा माल्नीनी। मेको पाप पशो क्याम्तीक गेय पचा कली चढ़ेशा यो नाक्त किंत किंत ङा चोशा चढ़ेतीके, मेको नु अन्न चढ़ेतीके नु तूचा थोव़क चढ़ेतीके चढ़ेचा माल्नीनी।
मेको नेल्ले औंसी नाक्त ङा चोशा चढ़ेतीक नु मेको नु अन्न चढ़ेतीके, नाक्त किंत किंत ङा चोशा चढ़ेतीक नु मेको नु अन्न चढ़ेतीके, मेको नेल्ल नु तूचा थोव़क चढ़ेतीके यो चढ़ेचा माल्नीनी। मेको नेल्ले परमप्रभु यावेमी देंशो खोदेंशो पा आ दाक्शो ब्रोव़शो रिना पाइश्शो मीम चोशा चढ़ेतीक बाक्नीम।