गन्‍ती 29:13 - Sunuwar Bible

¹³ गेपुकीमी परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको चोशा चढ़ेतीके मार बाक्‍चा माल्‍नीम देंशा हना, १३ ओटा ब्‍यफ, सांड निक्‍शी नु बर्स का गाप्‍शो १४ ओटा पाठा बाक्‍चा माल्‍नीम। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।

गन्‍ती 29:13 ပူးပေါင်းရင်းမြစ်များ

एज्रा 3:4

मिनु मेकोपुकीमी गोठ सेल्‍शा बाक्‍तीक चाड मानेम्‍तेक्‍म। मिनु दोपा पतीके ब्रेक्‍शो बाक्‍मे, मोपा नाक्‍त किंत किंत ङा पचा माल्‍शो चोशा चढ़ेतीके दोशो चढ़ेचा माल्‍‍मा, मोशो चढ़ेम्‍तेक्‍म। लेवी २३:३४-४३

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

गन्‍ती 28:11

मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३

गन्‍ती 28:19

गे परमप्रभु यावे कली मीम चोशा चढ़ेतीके चढ़ेचा माल्‍नीनी। मार चढ़ेचा माल्‍नीनी देंशा हना, ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।

गन्‍ती 28:27

गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी।

गन्‍ती 29:12

गे ७ महिना ङा १५ नाक्‍ती परमप्रभु यावे नु ग्रुम्‍तीके का सेल्‍चा माल्‍नीनी। मेको नाक्‍ती गे काइ गेय मपने। गे परमप्रभु यावे कली ७ नाक्‍त सम्‍म चाड मानेचा माल्‍नीनी। लेवी २३: ३४-४३

गन्‍ती 29:14

मिनु मेको नु अन्‍न चढ़ेतीके तेल ब्‍वाइश्‍शो रिम्‍शो फस बाक्‍चा माल्‍ब। मेको १३ ओटा ब्‍यफ आन कली का का पा एफाह का ङा १० भाग ङा भाग सां चढ़ेचा माल्‍नीम। मेको सांड निक्‍शी नु एफाह का ङा १० भाग ङा भाग निक्‍शी रिम्‍शो तेल ब्‍वाइश्‍शो फस चढ़ेचा माल्‍नीम। एफाह का २२ लिटर खोदेंशो बाक्‍ब।

गन्‍ती 29:2

गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको मारेइ मदुम्‍शो थम रिम्‍शो दुम्‍चा माल्‍नीम।

गन्‍ती 29:8

गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको थम रिम्‍शो मारेइ मदुम्‍शो दुम्‍चा माल्‍नीम।

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३