गन्‍ती 28:30 - Sunuwar Bible

³⁰ मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।

गन्‍ती 28:30 ပူးပေါင်းရင်းမြစ်များ

उत्पत्ती 37:31

मिनु मेकोपुकीमी योसेफ आ फेक्‍शो वा लाइश्‍शा, पाठा का क्‍योरशा, आ फेक्‍शो वा हुशेम ख्रुम्‍मे बाक्‍त।

लेवी 23:19

मिनु गेपुकीमी पाप आ पर्बम चढ़ेचा कली बोका का नु दुशा बाक्‍चा आ पर्बम चढ़ेचा कली बर्स का गाप्‍शो सांड निक्‍शी यो चढ़ेचा माल्‍नीनी।

गन्‍ती 15:24

गे नु ग्रुम्‍तीक ङा मुरुमी मतुइक्‍थु पशो पाप आ पर्बम मेको ग्रुम्‍तीक ङा मुर नेल्‍लेमी ब्‍यफ का चोशा चढ़ेचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो बाक्‍ब। मेको आ शेंशो खोदेंशो पा अन्‍न चढ़ेतीक नु तूचा थोव़क चढ़ेतीक यो चढ़ेचा माल्‍नीम। मिनु पाप आ पर्बम बोका का यो चढ़ेचा माल्‍नीम।

गन्‍ती 28:15

मिनु पाप पशो आ पर्बम बोका का परमप्रभु यावे कली चढ़ेचा माल्‍नीम। मेको नाक्‍त किंत किंत ङा चोशा चढ़ेतीक नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।

गन्‍ती 28:22

मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।

गन्‍ती 28:29

मिनु मेको ७ ओटा पाठा नु भाग का रिम्‍शो फस चढ़ेचा माल्‍नीनी।

गन्‍ती 28:31

मिनु नाक्‍त किंत किंत ङा चोशा चढ़ेतीक नु मेको अन्‍न चढ़ेतीक गेपुकीम मेको नु आ तूचा थोव़क चढ़ेतीक चढ़ेचा माल्‍नीनी। मेको ब्‍यफ, सांड, पाठा नेल्‍ल मारेइ मदुम्‍शो थम रिम्‍शो बाक्‍चा माल्‍नीम।

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।