गन्‍ती 28:27 - Sunuwar Bible

²⁷ गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी।

गन्‍ती 28:27 ပူးပေါင်းရင်းမြစ်များ

गन्‍ती 28:11

मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३

गन्‍ती 28:19

गे परमप्रभु यावे कली मीम चोशा चढ़ेतीके चढ़ेचा माल्‍नीनी। मार चढ़ेचा माल्‍नीनी देंशा हना, ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।

गन्‍ती 28:26

ङोंइती मीशो अन्‍न नु फल फुल ङा चाड नाक्‍त गे परमप्रभु यावे कली नक अन्‍न रे अन्‍न चढ़ेतीक चढ़ेनीनी। मेको हप्‍ता ङा चाड बाक्‍ब। मेना परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे काइ गेय मपने। लेवी २३:१५-२१; ब्‍यवस्‍था १६:१०

गन्‍ती 28:28

मेको नु अन्‍न चढ़ेतीके तेल ब्‍वाइश्‍शो रिम्‍शो फस दुम्‍चा माल्‍ब। मेको ब्‍यफ का नु एफाह का ङा १० भाग ङा भाग सां चढ़ेचा माल्‍नीनी। मेको सांड का नु एफाह का ङा १० भाग ङा भाग निक्‍शी चढ़ेचा माल्‍नीनी। एफाह का २२ लिटर खोदेंशो बाक्‍ब।

गन्‍ती 29:6

मेको नेल्‍ले औंसी नाक्‍त ङा चोशा चढ़ेतीक नु मेको नु अन्‍न चढ़ेतीके, नाक्‍त किंत किंत ङा चोशा चढ़ेतीक नु मेको नु अन्‍न चढ़ेतीके, मेको नेल्‍ल नु तूचा थोव़क चढ़ेतीके यो चढ़ेचा माल्‍नीनी। मेको नेल्‍ले परमप्रभु यावेमी देंशो खोदेंशो पा आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍नीम।