गन्‍ती 28:14 - Sunuwar Bible

¹⁴ मेको नु तूचा थोव़क चढ़ेतीके ब्‍यफ का का नु आधा हिन अङगुर शांबु बाक्‍चा माल्‍ब। सांड नु हिन का ङा भाग सां ङा भाग का अङगुर शांबु बाक्‍चा माल्‍ब। मिनु पाठा नेल्‍ल नु हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको बर्स ङा महिना नेल्‍ल ङा औंसीम चोशा चढ़ेतीके बाक्‍नीम।

गन्‍ती 28:14 ပူးပေါင်းရင်းမြစ်များ

एज्रा 3:5

मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।

यसैया 1:13

इन चढ़ेतीके मचाक्‍कीन। इन धूप चढ़ेशो तशा, गो ग्रांग्रा दीती। औंसी नु नाइक्‍तीक नाक्‍ती ङा ग्रुम्‍तीके ङा मरिम्‍शो पाइब आन हुल तचा मदाक्‍नुङ। गन्‍ती १०:१०

येरमीया 48:35

गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।

इजीकीएल 46:4

मेको सासन पाइबमी परमप्रभु यावे कली नाइक्‍तीक नाक्‍ती मार चढ़ेचा माल्‍ब देंशा हना, चोशा चढ़ेचा कली मारेइ मदुम्‍शो ६ ओटा पाठा नु सांड का चढ़ेचा माल्‍ब। गन्‍ती २८:९-१०

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

गन्‍ती 15:5

गे चोशा चढ़ेतीक पाठा का का नु तूचा थोव़क चढ़ेतीक हिन का ङा भाग सां ङा भाग का अङगुर शांबु यो चढ़ेचा माल्‍नीनी। गन्‍ती २८:७; प्रस्‍थान २९:४०; लेवी २३:१३

गन्‍ती 15:9

मेको नु अन्‍न चढ़ेतीके यो चढ़ेचा माल्‍नीनी। गे एफाह का ङा १० भाग ङा भाग सां रिम्‍शो फस नु आधा हिन तेल ब्‍वाइश्‍शा, चढ़ेचा माल्‍नीनी। एफाह का २२ लिटर पुक्‍तीक बाक्‍ब। हिन का ४ लिटर पुक्‍तीके बाक्‍ब।

गन्‍ती 28:13

मिनु मेको ७ ओटा पाठा नु का का पा एफाह ङा १० भाग ङा भाग का तेलम निशो रिम्‍शो फस चढ़ेचा माल्‍नीनी। एको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

गन्‍ती 28:15

मिनु पाप पशो आ पर्बम बोका का परमप्रभु यावे कली चढ़ेचा माल्‍नीम। मेको नाक्‍त किंत किंत ङा चोशा चढ़ेतीक नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।

गन्‍ती 28:7

मेको नु तूचा थोव़क चढ़ेतीके पाठा का कली हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको परमप्रभु यावे आ बाक्‍तीकेम परमप्रभु यावे आ ङोंइती मोइक्‍चा माल्‍नीनी।

गन्‍ती 29:18

मेको नु अन्‍न चढ़ेतीके नु तूचा थोव़क चढ़ेतीके ङोंइती ङा खोदेंशो पा ब्‍यफ, सांड नु पाठा आन कली हिक्‍शा, चढ़ेचा माल्‍नीनी।