गन्‍ती 27:4 - Sunuwar Bible

⁴ मिनु तौ मबाक्‍तीके आंइ आफ आ नें आ थर आ मुर आन दाते रे मारदे क्‍याम्‍सीबा? आंइ आफ आ लोक्‍बपुकी नु आंइ कली यो अङस गेने” देंतेक्‍म।

गन्‍ती 27:4 ပူးပေါင်းရင်းမြစ်များ

भजन संग्रह 109:13

मेको आ खिं ङा मुर नेल्‍ल क्‍याम्‍सीमल। मिनु आ तमी तौ आन पालाम मेको आन नें क्‍याम्‍सेक्‍ल। इजीकीएल १८:२०-२३

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

हितोपदेस 13:9

ठीक पाइब मुर बत्ती खोदेंशो छेङछेङ पा ब्राइनीम। तन्‍न परमप्रभु यावे आ अरेशो मटीब आन बत्ती काप्‍शा लाइब। अय्‍युब १८:५-६

गन्‍ती 27:3

मिनु सेलोफेहाद आ तमीपुकीमी “आंइ आफ गोरशो रागीम बेक्‍त। तन्‍न मेको परमप्रभु यावे आ पर्बम मरिम्‍शो पा बोक्‍ब कोराह आ हुलम मबाक्‍शो बाक्‍त। तन्‍न मेको आ आंम पाप पतीके बेक्‍त। मिनु मेको के तौ मबाक्‍म। गन्‍ती १६:७; उत्‍पत्ती ३:१९

गन्‍ती 27:5

मिनु मोसामी मेको आन पोक्‍शो लोव़ परमप्रभु यावे आ ङोंइती चाक्‍तु।

यहोसु 17:4

मेकोपुकीमी चढ़ेब एलाजर, नून आ तौ यहोसु नु ठेयब मुर आन ङोंइती जाक्‍शा “आंइ कली आंइ लोक्‍ब आन दातेमीन रागी गेचा, दे परमप्रभु यावेमी मोसा कली अरेशो बाक्‍ब” देंतेक्‍म। मिनु यहोसुमी मेको आन कली, परमप्रभु यावे आ देंशो खोदेंशो पा, आन बोडो बकान्‍छा आन दातेमी रागी गेप्‍तु।