गन्‍ती 27:21 - Sunuwar Bible

²¹ मिनु यहोसु चढ़ेब एलाजर आ ङोंइती राप्‍चा माल्‍ब। मिनु एलाजरमी ऊरीम यहोसु आ पर्बम मार देंबा, दे परमप्रभु यावे आ ङोंइती हिल्‍लो पचा माल्‍ब। यहोसु आ देंशोमी इस्राएली नेल्‍ले मेको नु लडाइ पथ लचा नु लेत्‍चा माल्‍नीम” देंत। प्रस्‍थान २८:३०; ब्‍यवस्‍था ३३:८

गन्‍ती 27:21 ပူးပေါင်းရင်းမြစ်များ

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

एज्रा 2:63

मिनु ऊरीम नु थुम्‍मीममी गेय पने चाप्‍ब चढ़ेब का मग्रूम सम्‍म मेकोपुकीमी नेल्‍ल क्‍येङा चोव़खो चढ़ेतीक थोव़क रे जचा मताम।

नेहेम्‍याह 7:65

हुकुम पाइबमी ऊरीम नु थुम्‍मीम रे गेय पाइब चढ़ेब मग्रूम सम्‍म मेको आन कली चढ़ेशो थोव़की जचा मगेमे बाक्‍त। प्रस्‍थान २८:३०; गन्‍ती १८:९; १सामुएल १४:४१

प्रस्‍थान 28:30

मेको निसाफ पतीके झोलामी मेको ऊरीम नु थुम्‍मीम निक्‍शी कुर पचा माल्‍नेवे। हारून परमप्रभु यावे आ ङोंइती ल‍मेनु, इस्राएली आन निसाफ पतीके गेना हना यो आ कुचु तारी बाक्‍चा माल्‍ब। लेवी ८:८; गन्‍ती २७:२१; ब्‍यवस्‍था ३३:८

लेवी 8:8

मिनु नोले मेकोमी हारून कली कुचुम रेल्‍तीक झोला रेल्‍ताक्‍व, मिनु मेको आगा “ऊरीम नु थुम्‍मीम” कुर पाप्‍तु। ऊरीम नु थुम्‍मीम कली छेङछेङ नु निसाफ पतीके देंसीब। परमप्रभु यावे आ देंशो कोंइब बाक्‍ब। प्रस्‍थान २८:३०

मलाकी 2:7

चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। ब्‍यवस्‍था ३३:१०; हाग्‍गै १:१३

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

गन्‍ती 27:2

मेकोपुकी मोसा, चढ़ेब एलाजर, ठेयब मुरपुकी नु मेकेर बाक्‍ब मुर नेल्‍ले आन ङोंइती ग्रुम्‍तीक ताम्‍बु आ लाप्‍चो आ ङोंइती बाक्‍तेक्‍म।

गन्‍ती 27:20

मोपा गे मेको कली इ अधिकार गेवो। मिनु इस्राएली नेल्‍लेमी मेको आ देंशो टीमेक्‍ल। प्रस्‍थान ३४:२९-३०; २राजा २:९,१५

गन्‍ती 27:22

मिनु मोसामी परमप्रभु यावेमी अरेशो खोदेंशो पा पाप्‍तु। मेकोमी यहोसु कली चाक्‍शा चढ़ेब एलाजर नु इस्राएली नेल्‍ल आन ङोंइती राप्‍पाइक्‍तु।

गन्‍ती 27:5

मिनु मोसामी मेको आन पोक्‍शो लोव़ परमप्रभु यावे आ ङोंइती चाक्‍तु।

ब्‍यवस्‍था 31:3

परमप्रभु यावे, इन परमप्रभु इन ङोंइती यर्दन शोक्‍शा, आइक्‍ची हांबु लाइब। मेकोमी इन ङोंइती मेको रागी रागी ङा मुर आन कली क्‍याम्‍ब। मिनु गेपुकीमी मेको आन कली खेरने चाप्‍‍नीनी। मिनु परमप्रभु यावेमी देंशो खोदेंशो पा यहोसु इन ङोंइती शोक्‍ब। ब्‍यवस्‍था ३:२२

ब्‍यवस्‍था 33:8

मिनु लेवी आ पर्बम मार देंशो बाक्‍त, देंशा हना “गे लेवी कली इन थुम्‍मीम गेने। इन ऊरीम इन थमा सुइक्‍चा ङा गेय पाइब कली गेने। गे मेको कली मास्‍साहम नाक्‍ताक्‍नी। गे मेरीबा ङा ब्‍वाक्‍कुम मेको नु जीतीनी” देंत। प्रस्‍थान २८:३०; १सामुएल १४:४१; प्रस्‍थान १७:२,७; भजन संग्रह ९५:८

यहोसु 9:14

मिनु इस्राएलीपुकीमी आन चाक्‍शो कोसेली ताक्‍तेक्‍म, तन्‍न परमप्रभु यावे कली हिल्‍लो मपथु, जाम्‍तेक्‍म। गन्‍ती २७:२१

न्‍यायाधीस 1:1

यहोसु बेक्‍म नोले इस्राएलीपुकीमी परमप्रभु यावे कली “ङोंइती आंइ दाते ङा तेको थरमी कुशा, कनानी आन कली लडाइ तोचा?” दे हिल्‍लो पामे बाक्‍त। उत्‍पत्ती ४९:८; न्‍यायाधीस १८:५; न्‍यायाधीस २०:१८; प्रस्‍थान २८:३०; गन्‍ती २७:२१

न्‍यायाधीस 20:18

मिनु इस्राएलीपुकी रीब पा बेथेल लशा, परमप्रभु कली “आंइ इस्राएली आन दातेमी तेको थरमी नेल्‍ल क्‍येङा ङोंइती बेन्‍यामीन आ थर ङा मुर नु लडाइ पचा?” दे हिल्‍लो पामे बाक्‍त। मिनु परमप्रभु यावेमी “यहूदा आ थर ङा मुरपुकीमी ङोंइती लडाइ पचा माल्‍नीम” देंमाक्‍त। न्‍यायाधीस १:१-२; गन्‍ती २७:२१

न्‍यायाधीस 20:23

मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।

१ सामुएल 14:19

मिनु सावलम लोव़ पन पना पलिस्‍ती आन बाक्‍तीक ङा खल्‍बल ठेयब दुम्‍ना दुम्‍न लमाक्‍त। मिनु मेकोमी चढ़ेब कली “याम का रिम्‍दो” देंमाक्‍त।

१ सामुएल 23:9

मिनु दाऊदमी आंम पर्बम मरिम्‍शो पचा चिक्‍शो तुइक्‍ता बाक्‍त। मिनु मेकोमी अबीयाथार चढ़ेब कली “निसाफ पतीक ऊरीम नु थुम्‍मीम बाक्‍शो झोला चाक्‍को” दे मदा बाक्‍त। १सामुएल ३०:७-८

१ सामुएल 28:6

मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०

१ सामुएल 30:7

मिनु दाऊदमी अहीमेलेक आ तौ चढ़ेब अबीयाथार कली “निसाफ पतीक ऊरीम नु थुम्‍मीम बाक्‍शो एफोद चाक्‍को” दे मदा बाक्‍त। मिनु चाक्‍गा बाक्‍त। १सामुएल २३:९