गन्‍ती 27:18 - Sunuwar Bible

¹⁸ मिनु परमप्रभु यावेमी मोसा कली “गे आं सोक्‍त पाइश्‍शो नून आ तौ यहोसु कली चाक्‍शा, इ गुइ मेको आ तार वोतो। प्रस्‍थान ३३:११; ब्‍यवस्‍था ३४:९

गन्‍ती 27:18 ပူးပေါင်းရင်းမြစ်များ

उत्पत्ती 41:38

मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्‍ने चाप्‍नया ङा? परमप्रभु आ सोक्‍तीम ब्रीशो मुर का थिन्‍ने चाप्‍नया ङा?” दे हिल्‍लो पामी बाक्‍त। प्रस्‍थान ३१:३; हितोपदेस २:६

१ इतिहास 7:27

एली-शामा आ तौ नून बाक्‍माक्‍त। नून आ तौ यहोसु बाक्‍माक्‍त। गन्‍ती १३:८,१६

प्रस्‍थान 17:9

मिनु मोसामी यहोसु कली “इं मुरपुकी रे योव़शा, अमालेकी नु लडाइ पथ लावो। गो परमप्रभु आ कोक्‍के शेशा, दीसा मेको डांडा तार राप्‍शा बाक्‍नुङ” देंत। गन्‍ती १३:८,१६

दानीएल 5:14

गो इ आगाम ठेयब देवता आन मिम्‍शो तुइक्‍तीक, रुप्‍तीक नु शुश जोक्‍ब तुइक्‍ब थुं बाक्‍ब, देंशो लोव़ नेंता।

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 13:16

मिनु मोसामी मेको रागी कली क्‍यारी पथ सोइश्‍शो मुर आन नें एकोन बाक्‍नीम। मोसामी नून आ तौ होशेआ आ नें यहोसु वोइक्‍तु। गन्‍ती ११:२८; १इतिहास ७:२७

गन्‍ती 13:8

एफ्राइम आ थर रे नून आ तौ होशेआ, गन्‍ती १३:१६

गन्‍ती 27:23

मिनु मोसामी परमप्रभु यावेमी देंशो खोदेंशो पा आ गुइ यहोसु आ तार वोइश्‍शा, आ गेय पचा कली जिम्‍मा गेप्‍तु।

यूहन्‍ना 3:34

परमप्रभु यावे आ सोइश्‍शोमी परमप्रभु यावे आ लोव़ पाइब। मेकोमी परमप्रभु यावे आ सोक्‍तीमी ब्री‍तीके आ लोव़ पाइब। यूहन्‍ना १:१६

प्रेरित 13:3

मिनु माइजा बाक्‍शा, प्रार्थना पा आसीक गेशा, प्रभु आ गेय पथ सोइक्‍तमे बाक्‍त। प्रेरित ६:६

प्रेरित 19:6

मिनु पावलमी आ गुइ आन पिया तारी वोदानु, परमप्रभु यावे आ सोक्‍तीम ब्रीमा बाक्‍त। मिनु आन मतुइश्‍शो लोव़ पा प्रभु कली ठेयब सेल्‍मे बाक्‍त। मिनु परमप्रभु यावे आ सोक्‍तीम गेशो लोव़ पामे बाक्‍त। प्रेरित ८:१७; प्रेरित १०:४४,४६

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

प्रेरित 6:6

मिनु योव़शो आन कली सोइश्‍शो आन ङोंइती राप्‍पदमे बाक्‍त। मिनु सोइश्‍शोपुकीमी योव़शो आन तारी आन गुइ वोइश्‍शा, मेको आन पर्बम परमप्रभु कली पुन्‍मे बाक्‍त। प्रेरित १:२४; प्रेरित १३:३; प्रेरित १४:२३

ब्‍यवस्‍था 1:37

मिनु परमप्रभु यावेमी इन पशो तशा, आं पर्बम यो गाइक्‍ताक्‍व। मिनु मेकोमी आं कली ‘गे यो मेको रागी ओव़चा मताइनेवे। गन्‍ती २०:१२

ब्‍यवस्‍था 3:21

मिनु मेना गो यहोसु कली “परमप्रभु यावे, इन परमप्रभुमी एको पिप निक्‍शी आस कली मार मार पवा, गे मेको नेल्‍ल ताप्‍तीवी। मुल गे आइक्‍ची हांबु शोक्‍सेनु, परमप्रभु यावेमी मेकेर ङा राज्‍य नेल्‍ल आन कली यो मोदेंशोन पाइब। गन्‍ती २७:१८-२२

ब्‍यवस्‍था 3:28

मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;

ब्‍यवस्‍था 31:14

मिनु परमप्रभु यावेमी मोसा कली “मुल इ बेक्‍ची नाक्‍ती जाक्‍शो बाक्‍ब। मोपतीके यहोसु कली ब्रेश्‍शा, मेको कली इ गेय जिम्‍मा गेनुङ। मोपतीके ग्रुम्‍तीक ताम्‍बुम जाक्‍शा, राप्‍शा बाक्‍कीस” देंत। मिनु मोसा नु यहोसु लशा ग्रुम्‍तीक ताम्‍बुम राप्‍शा बाक्‍ताक्‍स।

ब्‍यवस्‍था 31:23

मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।

ब्‍यवस्‍था 31:3

परमप्रभु यावे, इन परमप्रभु इन ङोंइती यर्दन शोक्‍शा, आइक्‍ची हांबु लाइब। मेकोमी इन ङोंइती मेको रागी रागी ङा मुर आन कली क्‍याम्‍ब। मिनु गेपुकीमी मेको आन कली खेरने चाप्‍‍नीनी। मिनु परमप्रभु यावेमी देंशो खोदेंशो पा यहोसु इन ङोंइती शोक्‍ब। ब्‍यवस्‍था ३:२२

ब्‍यवस्‍था 34:9

मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६

१ तिमोथी 4:14

थमा सुइक्‍ब आन शेंब खाल्‍पापुकीमी इ पिया तारी गुइ वोइश्‍शा, परमप्रभु यावेमी तुइक्‍पाइश्‍शो लोव़ पशा, इ कली गेय पतीके सक्ति गेशो बाक्‍त। मेको गेय रिम्‍शो पा पावो। १तिमोथी १:१८; १तिमोथी ५:२२; प्रेरित ६:६; प्रेरित ८:१७; २तिमोथी १:६

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४

हिब्रू 6:2

मार मार चिक्‍चा शेंतीके, मुर आन तारी गुइ वोइक्‍चा, बेक्‍शो रे सेंसीशा ब्रोंइचा नु गेना हना यो निसाफ पचा आ पर्बम लोव़ बाक्‍ब।

यहोसु 1:17

दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।

न्‍यायाधीस 11:29

मिनु परमप्रभु यावे आ सोक्‍तीम येफ्‍ता कली सुमा बाक्‍त। मिनु गिलाद नु मनस्‍से आन रागी लाक्‍शा, गिलाद ङा मिस्‍पा जाक्‍दीम्‍माक्‍त। मिनु मेकेर रे अम्‍मोनी आन रागी लमाक्‍त। न्‍यायाधीस ६:३४

न्‍यायाधीस 3:10

परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४

१ सामुएल 16:18

मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।