गन्‍ती 27:17 - Sunuwar Bible

¹⁷ मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

गन्‍ती 27:17 ပူးပေါင်းရင်းမြစ်များ

२ सामुएल 5:2

ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

१ राजा 22:17

मिनु मीकायामी “गो इस्राएली नेल्‍ल आन कली गोठला मबाक्‍शो भेडा खोदेंशो पा, डांडा मेर ब्रशो तातामी। मिनु परमप्रभु यावेमी ‘मेको मुर आन ठेयब मुर मबाक्‍ब। मेको नेल्‍ल आन थुं नाइश्‍शा आन खिं लमल’ देंशो बाक्‍ब” देंमाक्‍त। गन्‍ती २७:१७; मत्ती ९:३६

१ राजा 3:7

मिनु मुल परमप्रभु यावे, आं परमप्रभु गे इन गेय पाइब, आं कली, आं आफ दाऊद आ पा ङा पिप सेल्‍तीनी। मो हना यो गो आइक्‍च आल का ला बाक्‍नुङ। मिनु गो दोपा लाङगा लचा माल्‍नुङा, दोपा जाक्‍चा माल्‍नुङा, मेको मतुइक्‍नुङ।

२ राजा 11:8

गे नेल्‍ल आंम आंम गुइम या शेशा, पिप कली खाल पा आ एर ओंथ बाक्‍चा माल्‍नीनी। इन नेक्‍था जाक्‍ब नेल्‍ल आन कली सतीन। पिप ते लत हना यो, गे मेको आ नेक्‍था बाक्‍चा माल्‍नीनी” दे अरेमी बाक्‍त।

२ इतिहास 1:10

आं कली एको मुर आन कली सासन पाइब सेल्‍तीनी। मोपतीके आं कली रुप्‍तीक नु तुइक्‍तीक थुं गेयीनी। मिनु आं कली एको मुर नु रिम्‍शो पा बाक्‍चा गेयीनी। मारदे हना एको इश्‍का इन मुर आन कली सुम सासन पने चाप्‍बा ङा?” देंमाक्‍त।

२ इतिहास 18:16

मिनु नोले मीकायाम “गो इस्राएली नेल्‍ल आन कली गोठला मबाक्‍शो भेडा खोदेंशो पा पहाडम ब्रशो ताता। मिनु परमप्रभु यावेमी ‘मेको मुर आन के होव़प मबा। मेको नेल्‍ल थुं नाइश्‍शा आन खिं लेम्‍मल’ देंशो नेंता” देंमाक्‍त। मत्ती ९:३६

इजीकीएल 34:5

मोपतीके मेकोपुकी ब्राम्‍तेक्‍म। मारदे हना मेको आन के गोठला मबाक्‍म। मेको मोपा ब्रशा ब्‍वाकी ङा जन्‍तु आन जचा थोव़क दुम्‍तेक्‍म’ दे

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मत्ती 10:6

तन्‍न गोठला मबाक्‍शो, लां जाम्‍शो भेडा खोदेंशो, इं इस्राएली आन बाक्‍तीके लने। मत्ती १५:२४; प्रेरित १३:४६

मत्ती 15:24

मिनु येसुमी “लां जाम्‍शो भेडा खोदेंशो दुम्‍शो इं इस्राएल ङा मुर आन कली ला वारच पथ, सोंइसीशो नङ” देंत। मत्ती १०:५-६; रोमी १५:८

मत्ती 9:36

शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

मर्कूस 6:34

मिनु येसु डोंगा रे तोंइ‍सीशा, शुश मुर देल्‍शा बाक्‍शो तशा, शिशी पवा बाक्‍त। मारदे हना मेको आन कली गोठला मपाइश्‍शो भेडा खोदेंशो दुम्‍शो तामी बाक्‍त। मिनु शुश लोव़ शेंचा गोवा बाक्‍त। मत्ती ९:३६

यूहन्‍ना 10:9

गो लाप्‍चो नङ। सु सु मेको लाप्‍चो रे ओव़नीमी, मेकोपुकी श्‍येत रे ब्रोंइनीम। मिनु रिम्‍शो घांस बाक्‍तीकेमी लशा, जोचा ताइनीम। यूहन्‍ना १४:६

ब्‍यवस्‍था 31:2

मिनु मेकोमी “मुलाक्‍ती गो सहे का २१ बर्स गाप्‍ती। गो मुल रे इन कली लां कोंइने मचाप्‍नुङ। मिनु परमप्रभु यावेमी आं कली ‘गे मेको यर्दन मशोक्‍नेवे’ दे माइक्‍ती। प्रस्‍थान ७:७; गन्‍ती २०:१२

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२

१ सामुएल 18:13

मोपतीके सावलम दाऊद कली आ दरवार रे ग्रुंइशा, हजार का मुर आन कप्‍तान सेला बाक्‍त। मिनु दाऊदमी आ मुर आन कली लडाइम लाइक्‍मी बाक्‍त।

१ सामुएल 8:20

गो यो अर्को रागी ङा मुर खोदेंशो दुम्‍चा दाक्‍नीकी। आंइ कली सासन पाइब नु लडाइम आंइ ङोंइती गाक्‍ब पिप का माल्‍नीकी” देंमा बाक्‍त।