गन्‍ती 27:11 - Sunuwar Bible

¹¹ मिनु मेको आ आफ आ लोक्‍ब यो मबाक्‍त हना, मेको आ अङस आ थर ङा नेल्‍ल क्‍येङा आ नेक्‍था ङा मुर कली गेचा माल्‍नीनी। मिनु मेको अङस मेको केन दुम्‍ब’ दे माइक्मी” देंत। मेको लोव़ परमप्रभु यावेमी मोसा कली देंशो, इस्राएली आन कली फुल्‍लुम मुशा ब्रेक्‍शो नु अरेशो लोव़ बाक्‍ब।

गन्‍ती 27:11 ပူးပေါင်းရင်းမြစ်များ

येरमीया 32:8

मिनु नोले परमप्रभु यावेम देंशो खोदेंशो पा आं बकान्‍छा आ तौ हनामेल पिप आ खिं खाल पाइब आन लाङगा जाक्‍शा, मेकोमी “बेन्‍यामीन आ रागी अनाथोथम बाक्‍शो आं रू ग्यापीन। मेको ग्‍याप्‍चा अधिकार इन केन बाक्‍ब। मोपतीके गे मेको ग्‍याम्‍सीन” देंत। मिनु गो एको परमप्रभु यावे आ लोव़ बाक्‍माक्‍त, दे तुइक्‍ताक्‍ङ।

लेवी 25:25

सुइ इन मुर प्रुङग दुम्‍तीके आन रू लेयचा माल्‍तेक्‍म हना, मेको आ नेक्‍था ङा मुर जाक्‍शा, मेको लेश्‍शा ग्‍याप्‍पाइक्‍चा माल्‍ब। रूथ ४:३-४

लेवी 25:49

मेको आ आफ आ लोक्‍ब, आं लोक्‍ब नु सुइ आ नेक्‍था ङा मुरुमी मेको कली लेन्‍ने चाप्‍ब। मेको नोले शुश क्‍येट थीब दुम्‍त हना, आंमा थाप्‍शा ग्रूने चाप्‍ब।

गन्‍ती 27:10

मेको के आ लोक्‍ब यो मबाक्‍त हना, मेको आ अङस आ आफ आ लोक्‍ब कली गेचा माल्‍नीनी।

गन्‍ती 35:29

मिनु मेको गेना हना यो परमप्रभु यावेमी इन कली फुल्‍लुम मुशा ब्रेक्‍शो नु आ शेंशो लोव़ बाक्‍ब। मिनु गेपुकी ते बाक्‍तीनी हना यो, इन तौ चच युइ नेल्‍ल पाला ङा मुरुमी पचा माल्‍नीम।

१ सामुएल 30:25

मिनु दाऊदमी इस्राएलम मेको फुल्‍लुम मुशा ब्रेक्‍शो खोदेंशो पा नु निसाफ पतीक लोव़ पवा बाक्‍त। मेको मेना रे मुल सम्‍म लीशो बाक्‍ब।