गन्‍ती 26:54 - Sunuwar Bible

⁵⁴ गे मेको आन कली ठेयब थर आन कली ठेयब रागी नु आइक्‍च थर आन कली आइक्‍च रागी पा योक्‍शा गेमी। थर का का आन कली मेको आ मुर आन कली कोव़शा हुकुम पचा गेमी।

गन्‍ती 26:54 ပူးပေါင်းရင်းမြစ်များ

गन्‍ती 26:53

“मेको आन खिं खिं ङा मुर गिश बाक्‍नीमी, दे मिम्‍शा, रागी आंम के सेल्‍चा कली योक्‍शा गेमी।

गन्‍ती 32:3

“अतारोथ, दीबोन, याजेर, निम्रा, हेश्‍बोन, एलेआले, सेबाम, नेबो नु बेओन,

गन्‍ती 32:5

गे आंइ कली दाक्‍ताक्‍नी हना, एको रागी आंइ कली गेकी। आंइ कली यर्दन आइक्‍ची हांबु मलाइक्‍की” देंतेक्‍म।

गन्‍ती 33:54

मिनु गे थर थर आन खिं खिं ङा मुर आन कली हिक्‍शा, रागी योव़शा, मेको रागी योक्‍सीन। शुश खिं पाइश्‍शो थर आन कली ठेयब रागी गेचा, शुश खिं मपाइश्‍शो थर आन कली आइक्‍च रागी गेचा माल्‍नीनी। सुका आ नें बाजीम कोंइबा, मेको मेको थर केन दुम्‍ब। इन किकी पिपी आन थर थर पा मेको रागी योक्‍कीन। गन्‍ती २६:५४-५५

गन्‍ती 35:8

मिनु ठेयब रागी तशो इस्राएली आन थर रे शुश सहर गेचा नु आइक्‍च रागी तशो इस्राएली आन थर रे का निक्‍शी सहर गेचा माल्‍नीनी। मेको थर थर ङा मुरुमी आ योक्‍शा गेशो रागी गारचा ङा पा लेवी थर ङा मुर आन कली सहरपुकी गेचा माल्‍नीम, देंचा माल्‍नेवे” दे परमप्रभु यावेमी मोसा कली देंत। गन्‍ती २६:५४

यहोसु 17:14

मिनु योसेफ आ खिं ङा मुरपुकीमी यहोसु कली “गे मारदे आंइ कली रागी का ला गेनी? गो शुश मुर बाक्‍नीकी। मिनु परमप्रभु यावेमी आंइ कली शुश आसीक गेप्‍तु” देंतेक्‍म।

यहोसु 19:9

मेको सिमियोन आ खिं खिं ङा मुर आन रागी बाक्‍त। मिनु मेको आन रागी यहूदा आ खिं खिं ङा मुर आन रे पा तशो बाक्‍तेक्‍म। मारदे हना यहूदा थर आन रागी माल्‍शो क्‍येङा यो शुश बाक्‍माक्‍त। मोपतीके सिमियोन आ खिं खिं ङा मुरपुकीमी मेको आन रागी यहूदा आन रागीमी ताम्‍तेक्‍म।