गन्‍ती 26:10 - Sunuwar Bible

¹⁰ मिनु रागीम आ शोव़ पाक्‍शा मेको आन कली कोराह नुन दाक्‍शो बाक्‍त। मेना सहे निक्‍शी ५० जना आन कली मीम खतम पोक्‍शो बाक्‍त। मेकोपुकी मरिम्‍शो पाइब दुम्‍शो बाक्‍तेक्‍म।

गन्‍ती 26:10 ပူးပေါင်းရင်းမြစ်များ

प्रस्‍थान 16:35

मिनु इस्राएलीपुकीमी ४० बर्स सम्‍म मन्‍ना जाम्‍तेक्‍म। मुर बाक्‍तीक कनान रागी ङा सांद मजाक्‍मा सम्‍म मेको जाम्‍तेक्‍म। यहोसु ५:१२

येरमीया 29:22

मेको आस पतीकेन यहूदा रे बेबीलोनम ग्‍याइश्‍शा लाइक्‍चा पुंइसीशो आन दातेमी सराप पाइनीम। परमप्रभु यावेम इ कली सिदकीयाह नु आहाब आस कली खोदेंशो सेलल। बेबीलोन ङा पिप नेबुकदनेसरमी मेको आस कली मीम हुम्‍शो बाक्‍त’ देंनीम।

इजीकीएल 14:8

गो मेको आन कली सजाइ गे‍नुङमी। मिनु गो मेको मुर कली कोंइतीक नु शुक्‍शी पाइक्‍तीक सेल्‍नुङ। गो मेको कली आं मुर आन दाते रे तिल्‍नुङ। मिनु गोन परमप्रभु यावे नङ, दे तुइक्‍चा माल्‍नीनी।

गन्‍ती 16:2

मिनु मेकोपुकीम सहे निक्‍शी ५० जना इस्राएली ब्रेत्‍ताक्‍म। मेकोपुकी ग्रुम्‍तीकेमी योव़चा पुंइसीशो ठेयब मुर बाक्‍तेक्‍म। मेको आन कली मुर नेल्‍लेमी तुइश्‍शो बाक्‍तेक्‍म। मेकोपुकीम मोसा कली दोस गेम्‍तेक्‍म। गन्‍ती १२:१-२

गन्‍ती 16:38

मारदे हना मेको पाप पाइबपुकी बेक्‍तीके आन थनौरोपुकी ग्रांग्रा मदिशो बाक्‍नीम। मेको थनौरो तुप्‍शा, चढ़ेतीके गिल्‍तीक पाता सेल्‍चा माल्‍ब। मारदे हना मेको मुर आन थनौरो परमप्रभु यावे आ ङोंइती चढ़ेतीके ग्रांग्रा मदिशो दुम्‍तेक्‍म। मिनु मेको इस्राएली आन कली मिम्‍तीक चिन्‍ड दुम्‍चा माल्‍नीम” देंत।

गन्‍ती 17:3

मिनु हारून आ नें लेवी आ थर ङा मुर आन कोक्‍केम ब्रेक्‍तो। मारदे हना नेल्‍ल थर ङा ठेयब मुर आन नेंम कोक्‍के का का दुम्‍चा माल्‍ब।

गन्‍ती 27:3

मिनु सेलोफेहाद आ तमीपुकीमी “आंइ आफ गोरशो रागीम बेक्‍त। तन्‍न मेको परमप्रभु यावे आ पर्बम मरिम्‍शो पा बोक्‍ब कोराह आ हुलम मबाक्‍शो बाक्‍त। तन्‍न मेको आ आंम पाप पतीके बेक्‍त। मिनु मेको के तौ मबाक्‍म। गन्‍ती १६:७; उत्‍पत्ती ३:१९

ब्‍यवस्‍था 11:6

मिनु मेकोमी रूबेन आ चच निक्‍शी, एलीआब आ तौ दाथान नु अबीराम आस कली पशो तुइक्‍नीनी। दोपा खपीम आ शोव़ पाक्‍शा इस्राएली आन दातेमी मेको आस कली दाक्‍गा। मिनु आस खिं ङा मुर नु आस ताम्‍बु नु मेको आस मारेइ मारेइ दाक्‍शो गेपुकीम तुइश्‍शो बाक्‍नीनी। गन्‍ती १६:२५-३४

ब्‍यवस्‍था 28:46

मिनु मेको सराप इन कली नु इन चच युइ आन कली छ‍क लाक्‍चा ङा नु हिंचा ङा बाक्‍नीमी।

२ पत्रुस 2:6

परमप्रभु यावेमी सोदोम नु गोमोररा माइश्‍शो सहर निक्‍शी कली मीम क्रोइश्‍शा, पुलु सेल्‍शो बाक्‍त। मेको मटीब आन कली कोंइतीक चिनु बाक्‍त। उत्‍पत्ती १९:२४-२५

यहूदा 1:7

सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११

१ सामुएल 2:34

मिनु इ तौ निक्‍शी होफ्‍नी नु फिनेहास काबुमीन बेक्‍नीस। मेको आं देंशो लोव़ थमा बाक्‍ब, देंशो चिन्‍ड का बाक्‍ब। १सामुएल ४:११