गन्‍ती 25:8 - Sunuwar Bible

⁸ मेको इस्राएली आ नोनोले लशा, आ बाक्‍तीक ओव़शा, मेको इस्राएली नु मेको मीश मुर निम्‍फा आस कली एर ओंथ ख्रिप्‍पाइश्‍शा थोक्‍तीम्‍सी। मिनु इस्राएली आन दाते रे मेको मुर बेक्‍तीक रोइ जाम्‍त।

गन्‍ती 25:8 ပူးပေါင်းရင်းမြစ်များ

२ सामुएल 21:14

मेकोपुकीम सावल नु आ तौ योनाथन आस रुश बेन्‍यामीन आ थर आन रागी ङा जेला सहर सावल आ आफ कीश आ तुरसुम थिम्‍मे बाक्‍त। पिपमी मेको आन कली मार मार देंमे, मेको पामे बाक्‍त। मेको नोले परमप्रभुम रागी आ पर्बम पुंइशो लोव़ नेना बाक्‍त। २सामुएल २४:२५

२ सामुएल 24:25

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीके चढ़ेवा बाक्‍त। मिनु परमप्रभु यावेमी रागी आ पर्बम पुंइशो लोव़ नेना बाक्‍त। मिनु इस्राएलम मुर बेक्‍तीक रोइ दिक्‍माक्‍त। २सामुएल २१:१४

१ इतिहास 21:22

मिनु दाऊदम ओरनान कली “एको खला ङा रू परमप्रभु यावे कली चढ़ेतीक का सेल्‍चा कली गेयी। मेको गिश बाक्‍मे, मेको ङा क्‍येट गेनुङ। मुर आन कली गेशो बेक्‍तीक रोइ नाइक्‍सेक्‍ल” देंमाक्‍त।

मलाकी 2:5

आं पशो कबल ब्रोंइतीक नु थुं नाइक्‍तीक कबल बाक्‍ब। गो मेको कबल आं कली मान पा हिंल, दे गेता। मेकोमी आं कली मान पा आं नें थिचा शुश हिंत।

गन्‍ती 17:13

सु परमप्रभु यावे आ ताम्‍बु आ नेक्‍था लाइबा, मेको बेक्‍ब। मार, गो नेल्‍ल यो बेक्‍नीकी?” देंतेक्‍म। भजन संग्रह १३०:३-४

गन्‍ती 25:11

“चढ़ेब हारून आ चच, एलाजर आ तौ, फिनेहासमी इस्राएली आन पर्बमी आं गाइश्‍शो नाइक्‍पाइक्‍तु। फिनेहासमी आं रुश पशो तुइश्‍शा, आ जोंब बोक्‍शा, आं गाइश्‍शो नाइक्‍पाइक्‍तु। मिनु मेको आन कली मसदुमी।

गन्‍ती 25:5

मिनु मोसाम इस्राएली आन निसाफ पाइब आन कली “गे नेल्‍लेमी पेओर डांडा ङा बाल देवता कली पूजा पाइब इन मुर नेल्‍ल आन कली साइक्‍चा माल्‍नीनी” दे माइक्‍तीमी। प्रस्‍थान ३२:२७

यहोसु 7:26

मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७