गन्‍ती 24:8 - Sunuwar Bible

⁸ परमप्रभुमी मेको आन कली इजीप्‍त रे ग्रुंइशा चाक्‍शो बाक्‍ब। आ सक्ति इस्राएली आन कली ब्‍वाकी ङा ब्‍यफ आ ग्रोव़ खोदेंशो बाक्‍ब। रागी रागी ङा जोरी सत्रु आन कली क्‍याम्‍ब। मेको आन रुश जिक्‍ब। मेको आन लिब्रामी मेको आन कली ख्रिश्‍शा साइक्‍ब।

गन्‍ती 24:8 ပူးပေါင်းရင်းမြစ်များ

भजन संग्रह 2:9

गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। प्रकाश २:२७; प्रकाश १२:५; प्रकाश १९:१५

भजन संग्रह 21:12

गे मेको आन कली प्रोक्‍पाइश्‍शा, आन कुलम ख्रपाइक्‍चा कली लिब्रा कीनीनी।

भजन संग्रह 45:5

गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।

भजन संग्रह 45:6

परमप्रभु, इन ठेयब नित्‍तीके गेना हना यो लीब। इन ठीक पतीके इन राज दन्‍ड खोदेंशो बाक्‍ब। हिब्रू १:८-९ हिब्रू १:८,९

प्रस्‍थान 23:22

गेपुकी आ देंशो नेनीन। आं देंशो नेल्‍ल पाइतीनी हना, गो इन जोरी सत्रु आन जोरी सत्रु दुम्‍नुङ। इन कली खेदा पाइब आन कली खेदा पाइब दुम्‍नुङ।

यसैया 38:13

सुनी सम्‍म आं थुं कली रिम्‍पाइक्‍ना पाइक्‍न बाक्‍ती। गुप्‍सम खोदेंशो पा आं खोइल जिक्‍ताक्‍यीनी। काबु नाक्‍दो नाक्‍तीमी गे आं कली खतम पोक्‍तीनी।

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 50:9

मारदे हना गो उत्तर रे ठेयब रागी रागी ङा लडाइ पाइब आन कली बेबीलोन आ पर्बम क्‍युक्‍शो बाक्‍नुङ। मेकोपुकी लडाइ पचा कली सासीनीम। मिनु मेको कली लडाइ तोइनीम। मेको आन ब्रा थाम्‍पा लडाइ पस जोक्‍ब मुर खोदेंशो बाक्‍नीम। मेकोपुकी मोशा मलेत्‍नीम।

दानीएल 6:24

मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

गन्‍ती 21:5

मिनु मेकोपुकीम परमप्रभु नु मोसा आस पर्बम गन गन पा “मारदे गे आंइ कली एको गोरशो रागीम बेक्‍पाइक्‍चा कली इजीप्‍त रागी रे ग्रुंइशा एक चाक्‍सी? एकेर जचा थोव़क मबा। ब्‍वाक्‍कु यो मबा। गो एको मब्रोव़शो जचा थोव़क क्‍येङा ब्रीताक्‍क” देंतेक्‍म।

गन्‍ती 23:22

परमप्रभुमी मेको आन कली इजीप्‍त रे ग्रुंइशा, आ सक्तिम मेको आन कली ब्‍वाकी ङा ब्‍यफ खोदेंशो सेल्‍शो बाक्‍ब।

गन्‍ती 23:24

कोव़ङीन, मेको जात ङा मुर गुप्‍सनी खोदेंशो पा बोक्‍नीम। प्रेक्‍शा ग्राम्‍चा चिक्‍शो गुप्‍स खोदेंशो पा मेको छुल बोक्‍ब। मेकोमी सिखार मब्‍वा सम्‍म नु सिखार आ हुश मतूङा सम्‍म मनाइक्‍ब” देंत। गन्‍ती २४:९; इजीकीएल १९:२

मत्ती 2:15

मिनु इजीप्‍त रागीमी जाक्‍दीश्‍शा, पिप हेरोद मबेक्‍म सम्‍म मेकेर बाक्‍मा बाक्‍त। मो दुम्‍शोमी परमप्रभु यावे आ लोव़ थमा दुम्‍माक्‍त। साइ नेसी परमप्रभु यावेमी आ लोव़ पाइब रे पा “इजीप्‍त रे लेत्‍तो, दे आं तौ कली ब्रेत्‍ताक्‍ङ” दे देंशो बाक्‍माक्‍त। होसे ११:१

ब्‍यवस्‍था 32:23

गो मेको आन कली शुश श्‍येत गे‍नुङ। गो मेको आन कली ब्रा आप्‍नुङ। दोपा आप्‍नुङ देंशा हना,

ब्‍यवस्‍था 32:42

आं ब्रा आन कली ग्‍याइश्‍शा साइश्‍शो मुर आन हुशेमी गिल्‍नुङ। आं या लाइश्‍शो चां पाइश्‍शो आं जोरी सत्रु आन श्‍ये ब्‍वाइब खोदेंशो सेल्‍नुङ’ दे परमप्रभुमी देंत।

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

यहोसु 2:10

गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६