गन्‍ती 24:4 - Sunuwar Bible

⁴ गो, परमप्रभु आ लोव़ नेंबमी, एको लोव़ पाइनुङ। गो नेल्‍ल क्‍येङा सक्ति पाइश्‍शो आ कोंइशो ताइनुङ। मिनु गो आ ङोंइती बाप्‍शा, मेको कली ताइनुङ।

गन्‍ती 24:4 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

उत्पत्ती 15:12

मिनु नां रिक्चावानु, अब्राम मारेइ मतुइक्‍चा ङा पा निन्‍द्रा पवा बाक्‍त। मिनु शुश हिंचा माल्‍शो आ एर ओंथ नेल्‍ल छिङछिङ दुम्‍माक्‍त। उत्‍पत्ती २:२१; १सामुएल २६:१२; यसैया २९:१०

१ राजा 22:17

मिनु मीकायामी “गो इस्राएली नेल्‍ल आन कली गोठला मबाक्‍शो भेडा खोदेंशो पा, डांडा मेर ब्रशो तातामी। मिनु परमप्रभु यावेमी ‘मेको मुर आन ठेयब मुर मबाक्‍ब। मेको नेल्‍ल आन थुं नाइश्‍शा आन खिं लमल’ देंशो बाक्‍ब” देंमाक्‍त। गन्‍ती २७:१७; मत्ती ९:३६

भजन संग्रह 89:19

साइ ङोंइती गे इन कली मप्रोंइब मुर आन कली कोंइतीक कोंइशा, लोव़ पाइतीनी। मिनु गे “गो लडाइ पाइब का कली सक्ति गेता। गो मुर आन दाते रे का कली ठेयब सेल्‍ता। १सामुएल १३:१४; १सामुएल १६:१३

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

गन्‍ती 22:20

मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।

गन्‍ती 22:31

मिनु परमप्रभु यावेमी बालाम कली मिक्‍च ताइब सेल्‍तु। मिनु मेकोमी तरवार शोइश्‍शो परमप्रभु यावे आ स्‍वर्ग ङा गेय पाइब का लांम राप्‍शो ताप्‍तु। मिनु बालाम खुम्‍की पा बाप्‍त।

गन्‍ती 24:15

मिनु बालाममी परमप्रभु आ पपाइश्‍शो लोव़ पा “गो बेओर आ तौ बालाम, मिक्‍च ताइब नङ, आ देंशो लोव़ मार बाक्‍त देंशा हना,

गन्‍ती 24:5

याकूब आ मुर इन ताम्‍बु गिश रिम्‍शो बाक्‍नीमी। गे इस्राएली इन बाक्‍तीके दारशो बाक्‍नीम।

प्रेरित 10:10

मिनु ङोइश्‍शा बाक्‍मेनु, शोव़लु बेक्‍शा जज दाक्‍माक्‍त। खिं ङा मुरपुकी चहिं क्‍येना क्‍येन बाक्‍मा बाक्‍त। मिनु पत्रुसमी प्रभुमी कोंइशो कोंइतीक तवा बाक्‍त।

प्रेरित 10:19

पत्रुसमी मुल यो आ तशो मार बाक्‍म माइ, दे मिम्‍न मिम्‍न बाक्‍मेनु, परमप्रभु यावे आ सोक्‍तीमी मेको कली “इ कली ब्रथ मुर सां जाक्‍तेक्‍मे।

प्रेरित 22:17

मिनु नोले यरूसलेम लेत्‍ती। मिनु काबु परमप्रभु यावे आ खिंमी प्रार्थना पा बाक्‍ङानु, प्रभुमी कोंइतीक कोंइदीनु,

प्रकाश 1:10

मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।

प्रकाश 1:17

मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। दानीएल ८:१८

१ सामुएल 19:24

मेकोमी यो आ वा प्रुइश्‍शा, सामुएल आ ङोंइती परमप्रभु यावे आ सोक्‍तीम लोव़ पना पन नाक्‍त रे नु नाक्‍दो रे शिश्रा बाक्‍माक्‍त। मोपतीके मुरपुकीम “मार, सावल यो परमप्रभु यावे आ लोव़ पाइब आन दातेमी बाक्‍मे?” देंबाक्‍मा बाक्‍त।