गन्‍ती 24:20 - Sunuwar Bible

²⁰ मिनु बालाममी अमालेक आ मुर आन कली कोव़शा “अमालेक आ मुरपुकी रागी रागी नेल्‍ल क्‍येङा ङोंइती ङा बाक्‍तेक्‍म। तन्‍न मेकोपुकी गेना हना यो जाम्‍शा लाइनीमी” देंत। प्रस्‍थान १७:१४; १सामुएल १५:२-३,७

गन्‍ती 24:20 ပူးပေါင်းရင်းမြစ်များ

उत्पत्ती 36:12

एसाव आ तौ एलीफाज आ कान्‍छी मीश तिम्‍ना बाक्‍माक्‍त। मेकोमी अमालेक थि‍माक्‍त। मेकोपुकी एसाव आ मीश आदाह आ तौपुकी बाक्‍मा बाक्‍त।

१ इतिहास 4:43

मेकोपुकीम प्रोक्‍शा लीशो अमालेकी नेल्‍ल आन कली साइश्‍शो बाक्‍मा बाक्‍त। मिनु सिमियोन आ थर ङा मुर मुल सम्‍म मेक उइ बाक्‍शो बाक्‍नीम। १सामुएल १५:३-८

एस्‍तर 3:1

मिनु नोले पिप अहासूरसमी अगाग आ मुर हम्‍मदाता आ तौ हामान कली आ मान बारपाइक्‍तु। मिनु मेको कली हुकुम पाइब नेल्‍ल आन क्‍येङा ठेयब सेल्‍शा, ठेयब मान गेशा वोइक्‍तु। १सामुएल १५:३२; प्रस्‍थान १७:१४-१६

एस्‍तर 9:14

मिनु पिपमी “मोदेंशोन पामेक्‍ल” दे हुकुम पाप्‍तु। मिनु सुसा सहरमी पिप आ हुकुम खोदेंशो पा, हामान आ साइश्‍शो तौ नेल्‍ल आन कली थामम क्‍युक्‍तेक्‍म।

प्रस्‍थान 17:14

मिनु परमप्रभु यावेमी मोसा कली “एको लडाइ गेना हना यो मिम्‍चा कली किताबम ब्रेक्‍तो। गो अमालेकी आन कली रागी रागी रे क्‍याम्‍नुङमी, दे यहोसु कली मिम्‍पतो” देंत। ब्‍यवस्‍था २५:१७-१९; १सामुएल १५:२-३

प्रस्‍थान 17:16

मिनु मेकोमी “यावे आ नित्‍तीक गे इन गुइ पोक्‍कीन! मारदे हना परमप्रभु यावेमी ‘अमालेकी नेल्‍ल आन पालामी मेकोपुकी नु लडाइ पाइनुङ’ दे ङोंइती देंशो बाक्‍ब” देंत। येरमीया ३:१७

प्रस्‍थान 17:8

मिनु अमालेकी रेफीदीमम जाक्‍शा, इस्राएली नु लडाइ पाम्‍तेक्‍म। उत्‍पत्ती ३६:१२-१६

गन्‍ती 24:19

याकूब रे पा हुकुम पाइब का ग्रूब। मिनु इर सहर ङा लीशो आन कली साइक्‍ब” देंत। मीका ५:१,७,८

गन्‍ती 24:24

कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२

गन्‍ती 24:7

मेको आन गरपुकीम ब्‍वाक्‍कु ब्रीशा क्‍युप्‍ब। मिनु मेको आन रू शुश ब्‍वाक्‍कु ताइनीम। मेको आन पिप अगाग क्‍येङा यो ठेयब बाक्‍‍ब। मिनु मेको आ राज्‍य ठेयब सेल्‍चा पुंइसीब।

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३

१ सामुएल 14:48

मेकोमी अमालेकी आन कली ग्रामा बाक्‍त। मिनु इस्राएली आन कली रोइक्‍ब हुल आन रे प्रोना बाक्‍त।

१ सामुएल 15:2

मुर नेल्‍ल आन परमप्रभु यावेमी मार देंत, देंशा हना ‘इस्राएली इजीप्‍त रे ग्रूशा पिमानु, अमालेकीपुकीम मेको आन कली लडाइ तोम्‍तेक्‍म। मोपतीके अमालेकी आन कली थमा पा सजाइ गेनुङमी’ देंत। प्रस्‍थान १७:८-१६; ब्‍यवस्‍था २५:१७-१९

१ सामुएल 30:1

मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६

१ सामुएल 30:17

मिनु दाऊदम मेको आन कली सुनी रे आ दीसा नाक्‍दो सम्‍म नेल्‍ल साइक्‍मी बाक्‍त। ४ सहे ठिटा मुर ला दल‍ओंठ ङोइश्‍शा प्रोक्‍मा बाक्‍त।