गन्‍ती 24:16 - Sunuwar Bible

¹⁶ गो, परमप्रभु आ लोव़ नेंबमी, एको लोव़ पाइनुङ। गो नेल्‍ल क्‍येङा ठेयब तुइश्‍शा, नेल्‍ल क्‍येङा सक्ति पाइश्‍शो आ कोंइशो ताइनुङ। मिनु गो आं मिक्‍च मसुम्‍शो आ ङोंइती बाप्‍शा,

गन्‍ती 24:16 ပူးပေါင်းရင်းမြစ်များ

उत्पत्ती 14:18

मिनु सालेम ङा पिप मेल्‍कीसेदेकम अब्राम नु आ मुर आन कली शोब्‍ले नु अङगुर शांबु चाक्‍गा बाक्‍त। मेको नेल्‍ल क्‍येङा ठेयब परमप्रभु कली चढ़ेब बाक्‍माक्‍त। भजन संग्रह ११०:४; भजन संग्रह ७६:३

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

गन्‍ती 24:15

मिनु बालाममी परमप्रभु आ पपाइश्‍शो लोव़ पा “गो बेओर आ तौ बालाम, मिक्‍च ताइब नङ, आ देंशो लोव़ मार बाक्‍त देंशा हना,

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२

गन्‍ती 24:3

मिनु मेकोमी परमप्रभु आ पपाइश्‍शो लोव़ पा “गो बेओर आ तौ बालाम, मिक्‍च ताइब नङ, आ देंशो लोव़ मार बाक्‍त देंशा हना, १सामुएल ९:९

गन्‍ती 24:4

गो, परमप्रभु आ लोव़ नेंबमी, एको लोव़ पाइनुङ। गो नेल्‍ल क्‍येङा सक्ति पाइश्‍शो आ कोंइशो ताइनुङ। मिनु गो आ ङोंइती बाप्‍शा, मेको कली ताइनुङ।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 8:1

मूर्ति कली चढ़ेशो श्‍ये ब्‍वचा आ पर्बम गो नेल्‍लेमी तुइक्‍नय। गो शुश तुइक्‍ब नकी, दे तुइश्‍शोमी मुर आन कली बोरशा ठेयब लेप्‍पाइक्‍ब। दाक्‍मुशा बाक्‍शोमी चहिं नेल्‍ल आन कली रिम्‍शो दुम्‍ब, नेल्‍ल आन थुं बारपाइक्‍ब। प्रेरित १५:२९