गन्‍ती 24:13 - Sunuwar Bible

¹³ ‘बालाकमी आं कली सुन नु चांदीम ब्रीशो आ दरवार गेती हना यो, परमप्रभु यावे आ लोव़ लाक्‍शा आं मिम्‍शोमी मारेइ रिम्‍शो नु मरिम्‍शो पने मचाप्‍नुङ। परमप्रभु यावेमी आं कली मार देंबा, गो मेकोन देंनुङ’ मदेंशो नङा ङा? गन्‍ती २२:१८

गन्‍ती 24:13 ပူးပေါင်းရင်းမြစ်များ

१ राजा 13:8

तन्‍न मेको परमप्रभु आ मुरुमी पिप कली “गे आं कली इन राज्‍य उइक्‍थ पा योक्‍शा गेतीनी हना यो, गो इन खिं मलाइनुङ। गो जचा थोव़क यो मजाइनुङ, ब्‍वाक्‍कु यो मतूनुङ।

१ राजा 22:14

तन्‍न मीकायाम चहिं “गो परमप्रभु यावे गेना हना यो ब्रोंइशा बाक्‍शो खोदेंशो पा परमप्रभु यावेमी आं कली मार देंबा, मेको ला देंनुङ” देंमाक्‍त।

गन्‍ती 16:28

मिनु मोसामी मेको नेल्‍ल आन कली “परमप्रभु यावेमी आं कली एको गेय पचा कली सोइश्‍शो बाक्‍ब, दे गे तुइक्‍नीनी। एको गेय नेल्‍ल गो आंमा पशो मनङ।

गन्‍ती 22:18

तन्‍न बालाममी बालाक आ गेय पाइब मुर आन कली “बालाकमी सुन नु चांदीम ब्रीशो आ दरवार गेती हना यो, गो परमप्रभु यावे, आं परमप्रभु आ लोव़ आइक्‍च बाक्‍त हना यो, ठेयब बाक्‍त हना यो, मेको लोव़ लाक्‍ने मचाप्‍नुङ। १राजा १३:८

गन्‍ती 22:20

मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।

गन्‍ती 22:8

मिनु बालाममी मेको आन कली “मुलाक्‍दो एकेन बाक्‍कीन। मिनु परमप्रभु यावेमी आं कली मार देंबा, गो मेकोन इन कली देंनुङ” देंत। मोपतीके मेको मोआब ङा ठेयब गेय पाइब मुरपुकी मेको नाक्‍दो बालाम आ खिं उइ बाक्‍तेक्‍म।