गन्‍ती 23:27 - Sunuwar Bible

²⁷ मिनु बालाकमी बालाम कली “मुल पिने, गो इन कली अर्को बाक्‍तीकेमी लाइक्‍नन्‍नी। मेकेर रे गे आं पा ङा मेको आन कली सराप चीले पचा कली परमप्रभुमी दाक्‍बा कों?” देंत।

गन्‍ती 23:27 ပူးပေါင်းရင်းမြစ်များ

अय्‍युब 23:13

तन्‍न मेको आ कान बाक्‍ब। मिनु सुमी मेको कली तेक्‍ने चाप्‍बा ङा? मेकोमी आ मिम्‍शो खोदेंशो पाइब।

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 14:27

मारदे हना मुर नेल्‍ल आन परमप्रभु यावेमी मोदेंशो पचा कली मिम्‍शो बाक्‍ब। सुम मेको कली तेक्‍ने चाप्‍बा ङा? आ दिंशो गुइ सुम लेप्‍पाइक्‍ने चाप्‍बा ङा? सुइम मचाप्‍नीम” देंत।

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

गन्‍ती 22:6

मुल गे जाक्‍को। आं कली वारच पा, मेको मुर आन कली सराप चीले पाइक्‍मी। मारदे हना मेकोपुकी आं क्‍येङा शुश नु बोल्‍यो बाक्‍नीम। मो पाइतीनी हना, गो मेको आन कली ग्राशा, आं रागी रे ग्रुंइने चबु वा। मारदे हना गे सु कली आसीक गेनीनी, मेको आसीक राइनीम। मिनु सु कली सराप चीले पाइनीनी, मेको सराप चीले राइनीम, दे गो तुइक्‍नुङ” दे सोइक्‍ताक्‍व। २पत्रुस २:१५

गन्‍ती 23:13

मिनु बालाकमी मेको कली “गो नु अर्को बाक्‍तीके पिने। गे एकेर रे मेको आन कली ताइनीनी। मेकेर रे मेको आन कली इच्‍का ला ताइतीनी। नेल्‍ल आन कली तने मचाप्‍नीनी। मेको आन कली मेकेर रे सराप चीले पतीन” देंत।

गन्‍ती 23:26

तन्‍न बालाममी बालाक कली “परमप्रभु यावेमी मार देंबा, गो मेको पचा माल्‍नुङ, दे गो इन कली ना कना मदेंङा ङा?” देंत।

गन्‍ती 23:28

मिनु बालाकमी बालाम कली पेओर डांडाम लाइक्‍तु। मेकेर रे गोरशो रागी नेल्‍ल तांइसाक्‍व। गन्‍ती २२:४१; गन्‍ती २५:३

रोमी 11:29

परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३