गन्‍ती 23:19 - Sunuwar Bible

¹⁹ परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९

गन्‍ती 23:19 ပူးပေါင်းရင်းမြစ်များ

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 28:15

गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।

१ राजा 14:11

सहरम बेक्‍शो येरोबाम आ खिं ङा मुर आन कली कुचुमम ब्‍वाइनीम। मिनु रू मेर बेक्‍शो आन कली चिक्‍बीम ब्‍वाइनीम’ दे परमप्रभु यावेमी देंशो बाक्‍ब। १राजा १६:४; १राजा २१:२४

२ राजा 15:12

मोपा परमप्रभु यावेम येहू कली “इ मुर ४ पाला सम्‍म पिप दुम्‍नीम” देंशो लोव़ गाम्‍माक्‍त। मिनु मोदेंशोन दुम्‍माक्‍त। २राजा १०:३०

२ राजा 7:2

मिनु पिप कली कुक्‍‍ब लडाइ पाइब आन ठेयब मुरुम परमप्रभु आ मुर कली “परमप्रभु यावेमी आ सरीङ ङा झेल नेल्‍ल रोक्‍तु हना यो, मोदेंशो गेनायो दुम्‍ने मचाप्‍ब” देंमाक्‍त। मिनु एलीशाम “गे मेको इ मिक्‍चीमीन ताइनेवे। तन्‍न जचा चहिं मताइक्‍नेवे” देंमाक्‍त।

१ इतिहास 17:17

मो हना यो परमप्रभु एको इन ङोंइती शुश ममाइ। परमप्रभु यावे, परमप्रभु, गेमी इन कबल इन गेय पाइब आ खिं कली शुश नोले सम्‍म कली बारपाइश्‍शो बाक्‍नीनी।

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

भजन संग्रह 132:11

परमप्रभु यावेमी दाऊद नु लोव़ पा कसम जशो बाक्‍त। मेकोमी “गो इ सासन पतीकेमी इ तौ का वोइक्‍नुङ” दे लोव़ पशो बाक्‍त। परमप्रभु यावेमी आ पशो लोव़ खाप्‍ब। भजन संग्रह ८९:४-५; हिब्रू ६:१७

भजन संग्रह 77:9

मार, परमप्रभुमी शिशी पचा प्रेंशो बाक्‍बा? मेको गाइश्‍शा, आ शिशी पतीके तेक्‍शो बाक्‍बा? ठेयब सेंदा पा।

भजन संग्रह 89:34

गो आं कबल नेल्‍ल खाप्‍नुङ। आं ङोंइती देंशो लोव़ थमा पा पाइनुङ।

भजन संग्रह 89:35

गो आं नेंमी काले कसम जाता, गो दाऊद कली जोल मपाइनुङ।

यसैया 21:17

मिनु केदार ङा लडाइ पाइब लिब्रा आप्‍ब मुर का निक्‍शी ला लीनीम। मारदे हना एको परमप्रभु यावे, इस्राएली आन परमप्रभु आ देंशो लोव़ बाक्‍ब” देंत।

यसैया 31:2

मो हना यो परमप्रभु तुइक्‍ब बाक्‍ब। मिनु श्‍येत दुम्‍पाइक्‍ब। आ मिम्‍शो पशा, मरिम्‍शो पाइब आन खिं नु मेको आन कली वारच पाइब नु लडाइ पाइब। आमोस ३:६; गन्‍ती २३:१९

यसैया 40:8

घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

यसैया 55:11

आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

दानीएल 4:28

मिनु पिप नेबुकदनेसरमी दोदेंशो ङोमु तवा, मोदेंशोन दुम्‍त।

होसे 11:9

गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

मीका 7:20

गे याकूब कली इन थमा सुइक्‍तीके कोंइ‍नीनी। मिनु अब्राहाम कली दाक्‍शा मप्रोंइतीके कोंइताक्‍नी। गे साइ ङोंइती आंइ किकी पिप आन कली कसम जशा लोव़ गेशो बाक्‍तीनी। उत्‍पत्ती २८:१३-१५; उत्‍पत्ती २२:१६-१८; लूका १:७३

हबकुक 2:3

मारदे हना इ त‍शो आं देंशो नाक्‍ती जाक्‍ब। मेको दीसा नित्‍थी मदुम्‍त हना यो, मेको कली रिम्‍शा बाक्‍को। मेको थमा पा दुम्‍ब। देश मपाइब। इजीकीएल १२:२३; २ पत्रुस ३:९

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

गन्‍ती 14:35

गो, परमप्रभु यावेमी, लोव़ पाता। मिनु गो एको आं कली गन गन पा बुक्‍शो मरिम्‍शो मुर आन कली थमा पा मो पाइनुङ। मेको नेल्‍ल एको गोरशो रागीमीन बेक्‍शा नुप्‍नीम” देंत।

गन्‍ती 23:18

मिनु बालाममी परमप्रभु आ देंशो लोव़ पा “बालाक बोक्‍शा, आं लोव़ नेनो। सिप्‍पोर आ तौ इ नोफा दाइक्‍तो।

लूका 21:33

सरीङ नु रागी नेल्‍ल जाम्‍शा लाइनीम। तन्‍न आं लोव़ चहिं गेनायो मजाम्‍ब।

रोमी 11:29

परमप्रभु यावेमी गेशो नु आ योव़तीक गेनायो मजाम्‍ब। गन्‍ती २९:१३

रोमी 9:6

परमप्रभु यावे आ लोव़ मदुम्‍थु मलीब। मारदे हना इस्राएल रागी ङा मुर नेल्‍ल इस्राएली मदुम्‍नीम। गन्‍ती २३:१९; रोमी २:२८

२ तिमोथी 2:13

गोपुकीमी थमा सुइक्‍चा प्रोंइतय हना यो, मेकोमी मप्रोंइब। मारदे हना ‘गो परमप्रभु यावे आ तौ मनङ’ देंने मचाप्‍ब” देंत। गन्‍ती २३:१९; भजन संग्रह ८९:३१-३४; रोमी ३:३-४; तीतस १:२

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।

हिब्रू 7:21

तन्‍न मेकोमी कसम जशा “परमप्रभुमी कसम जशो बाक्‍ब। मिनु आ थुं मफाइक्‍ब। गे गेना हना यो चढ़ेब दुम्‍ते” दे माइक्‍चा पुंइसीशो बाक्‍त। भजन संग्रह ११०:४

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

याकूब 4:5

परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।

यहोसु 21:45

मिनु परमप्रभु यावेमी पशो रिम्‍शो लोव़ का सम्‍म यो मली, नेल्‍ल खाप्‍तु। यहोसु २३:१४; १राजा ८:५६

१ सामुएल 15:29

परमप्रभु यावे इस्राएल ङा मान ताइब बाक्‍ब। मेकोमी आ लोव़ मफाइक्‍ब। आ थुं यो मफाइक्‍ब। मेको थुं फाइक्‍ब बेक्‍शा लाइब मुर खोदेंशो ममाइ” देंमाक्‍त। गन्‍ती २३:१९

१ सामुएल 3:12

मेको नाक्‍ती गो एली नु आ खिं ङा मुर आन कली आं देंशो नेल्‍ल पाइनुङ।