गन्‍ती 23:17 - Sunuwar Bible

¹⁷ मिनु मेको बालाक आ बाक्‍तीके लेश्‍शा जाक्‍त। मेना बालाक नु मोआब ङा ठेयब मुरपुकी चोशा चढ़ेतीके आ नेक्‍था राप्‍शा बाक्‍तेक्‍म। मिनु बालाकमी मेको कली “परमप्रभु यावेम मार देंम?” दे हिल्‍लो पाप्‍तु।

गन्‍ती 23:17 ပူးပေါင်းရင်းမြစ်များ

येरमीया 37:17

मिनु पिप सिदकीयाहम मेको कली ग्रुंइथ सोइक्‍ताक्‍व। मिनु मेको कली दरवारम चाक्‍शा सुइम मतुइक्‍चा ङा पा “मार, परमप्रभु यावे रे पा मारेइ लोव़ बाक्‍मे?” दे हिल्‍लो पाप्‍तु। मिनु येरमीयामी “ओं, बाक्‍ब। गे बेबीलोन ङा पिप आ गुइम गेचा पुंइसीनीनी, देंशो बाक्‍ब” देंत।

गन्‍ती 23:16

मिनु परमप्रभु यावेमी बालाम कली ग्रुम्‍शा, आ थुंमी लोव़ वोइश्‍शा, मेको कली “गे बालाक आ बाक्‍तीके लेतो। इ कली देंशो लोव़ मेको कली मतो” देंत।

गन्‍ती 23:18

मिनु बालाममी परमप्रभु आ देंशो लोव़ पा “बालाक बोक्‍शा, आं लोव़ नेनो। सिप्‍पोर आ तौ इ नोफा दाइक्‍तो।

गन्‍ती 23:26

तन्‍न बालाममी बालाक कली “परमप्रभु यावेमी मार देंबा, गो मेको पचा माल्‍नुङ, दे गो इन कली ना कना मदेंङा ङा?” देंत।

१ सामुएल 3:17

मिनु एलीमी “मेकोमी इ कली मार देंमे? आं कली मेको नेल्‍ल मख्रुइक्‍थु, देनो। मेकोम इ कली देंशो लोव़ का सम्‍म यो ख्रुइक्‍ताक्‍वी हना, परमप्रभुम इ कली थम ठेयब सजाइ गेवल” देंमाक्‍त।