गन्‍ती 23:12 - Sunuwar Bible

¹² मिनु मेकोमी “गो परमप्रभु यावेम आं थुंम वोइश्‍शो देंशो लोव़ ब्‍वाक्‍चा माल्‍नुङ” देंत। गन्‍ती २२:३८

गन्‍ती 23:12 ပူးပေါင်းရင်းမြစ်များ

प्रस्‍थान 4:15

गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।

हितोपदेस 26:25

इ जोरी सत्रुमी गे नु ब्रोव़शो लोव़ पाप्‍तु हना यो, मेको कली थमा मसुतो। मारदे हना मेको आ थुंमी ७ ओटा ग्रांग्रा दि‍चा ङा लोव़ ख्रुइश्‍शा बाक्‍नीम।

गन्‍ती 22:20

मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।

गन्‍ती 22:38

मिनु बालाममी बालाक कली “मुल गो इन बाक्‍तीके जाक्‍ती। मार देंचा माल्‍नुङा, दे मतुइक्‍नुङ। परमप्रभुम मार देंबा, गो मेको ला देंने चाप्‍‍नुङ” देंत।

गन्‍ती 23:13

मिनु बालाकमी मेको कली “गो नु अर्को बाक्‍तीके पिने। गे एकेर रे मेको आन कली ताइनीनी। मेकेर रे मेको आन कली इच्‍का ला ताइतीनी। नेल्‍ल आन कली तने मचाप्‍नीनी। मेको आन कली मेकेर रे सराप चीले पतीन” देंत।

गन्‍ती 23:20

नेनीन, गो मेको आन कली आसीक गेतीक लोव़ त‍शो बाक्‍नुङ। मेकोमी मेको आन कली आसीक गेशो बाक्‍ब। मिनु गो मेको फाइक्‍ने चाप्‍नुङा ङा?

गन्‍ती 23:26

तन्‍न बालाममी बालाक कली “परमप्रभु यावेमी मार देंबा, गो मेको पचा माल्‍नुङ, दे गो इन कली ना कना मदेंङा ङा?” देंत।

गन्‍ती 23:3

मिनु नोले बालाममी बालाक कली “गे इन चोशा चढ़ेतीके आ नेक्‍था राप्‍शा बाक्‍कीन। गो चहिं एर गे लाइनुङ। परमप्रभु यावे आं कली ग्रुम्‍थ जाक्‍बा, कों। मिनु मेकोमी आं कली मार कोंइबा, मेको इन कली देंनुङ” देंत। मिनु मेको गोरशो डांडा ङोंइसाक्‍व।

गन्‍ती 24:13

‘बालाकमी आं कली सुन नु चांदीम ब्रीशो आ दरवार गेती हना यो, परमप्रभु यावे आ लोव़ लाक्‍शा आं मिम्‍शोमी मारेइ रिम्‍शो नु मरिम्‍शो पने मचाप्‍नुङ। परमप्रभु यावेमी आं कली मार देंबा, गो मेकोन देंनुङ’ मदेंशो नङा ङा? गन्‍ती २२:१८

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५