गन्‍ती 23:1 - Sunuwar Bible

¹ मिनु बालाममी बालाक कली “आं कली ७ ओटा चढ़ेतीक सेलीन। मिनु ७ ओटा ब्‍यफ नु ७ ओटा सांड ठीक सेलीन” देंत।

गन्‍ती 23:1 ပူးပေါင်းရင်းမြစ်များ

२ राजा 18:22

तन्‍न गे आं कली ‘गो परमप्रभु यावे, आंइ परमप्रभु आ मुर नकी। मेकोम आंइ कली वारच पाइब’ देंतीनी हना, मार, हिज्‍कीयाहम मेको डांडा ङा थान नु चढ़ेतीक प्रेश्‍शा यहूदा नु यरूसलेम सहर ङा मुर आन कली ‘गेपुकीम यरूसलेमम बाक्‍शो चढ़ेतीकेम ला चढ़ेचा माल्‍नीनी’ मदेंम ङा? ब्‍यवस्‍था १२:१४

१ इतिहास 15:26

मिनु परमप्रभु यावेमी आ कबल पशो सन्‍दोस कुरब लेवी आन कली वारच पाइक्‍तीके मेकोपुकीम ७ ओटा ब्‍यफ नु ७ ओटा सांड चढ़ेमे बाक्‍त।

२ इतिहास 29:21

मेकोपुकीम ७ ओटा ब्‍यफ, ७ ओटा सांड, ७ ओटा पाठा नु ७ ओटा बोका चाक्‍गमे बाक्‍त। मेको नेल्‍ले राज्‍य, परमप्रभु यावे आ बाक्‍तीक नु यहूदा आ पाप आ पर्बम चढ़ेचा कली बाक्‍मा बाक्‍त। मिनु पिपम मेको नेल्‍ल हारून आ चच युइ, चढ़ेब आन कली परमप्रभु यावे आ चढ़ेतीकेम चढ़ेचा, दे हुकुम पवा बाक्‍त।

अय्‍युब 42:8

मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। १इतिहास १५:२६; इजीकीएल १४:१४

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

इजीकीएल 45:23

मिनु मेकोमी मेको चाड ङा ७ नाक्‍त नेल्‍लेम मारेइ मदुम्‍शो ७ ओटा बोहोर नु ७ ओटा सांड नाक्‍त किंत किंत चोशा चढ़ेचा माल्‍ब। मिनु चाड ङा नाक्‍त किंत किंत पाप आ पर्बम बोका का का यो चढ़ेचा माल्‍ब। गन्‍ती २८:१७-२५

गन्‍ती 22:41

आ दीसा सुनी बालाकमी बालाम कली लाइश्‍शा, बामोथ-बालमी ङोइश्‍शा लत। मिनु मेकेर रे बालाममी इच्‍का मुर आन कली ताप्‍तु। यहोसु १३:१७

गन्‍ती 23:2

मिनु बालाकमी बालाममी देंशो खोदेंशो पाप्‍तु। मिनु बालाक नु बालाममी ब्‍यफ का नु सांड का चढ़ेतीक का काम चढ़ेम्‍ताक्‍से।

गन्‍ती 23:29

मिनु बालाममी बालाक कली “एकेर आं कली ७ ओटा चढ़ेतीक सेलीन। मिनु ७ ओटा ब्‍यफ ७ ओटा सांड ठीक पने” देंत।

गन्‍ती 23:30

मिनु बालाकमी बालाममी देंशो खोदेंशो पा पाप्‍तु। मिनु चढ़ेतीक नेल्‍लेमी ब्‍यफ का का नु सांड का का चढ़ेप्‍तु।

गन्‍ती 29:32

मिनु मेको आ दीसा गे ७ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको मारेइ मदुम्‍शो थम रिम्‍शो बाक्‍चा माल्‍नीम।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-

१ सामुएल 15:22

मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७