गन्‍ती 22:8 - Sunuwar Bible

⁸ मिनु बालाममी मेको आन कली “मुलाक्‍दो एकेन बाक्‍कीन। मिनु परमप्रभु यावेमी आं कली मार देंबा, गो मेकोन इन कली देंनुङ” देंत। मोपतीके मेको मोआब ङा ठेयब गेय पाइब मुरपुकी मेको नाक्‍दो बालाम आ खिं उइ बाक्‍तेक्‍म।

गन्‍ती 22:8 ပူးပေါင်းရင်းမြစ်များ

१ राजा 13:8

तन्‍न मेको परमप्रभु आ मुरुमी पिप कली “गे आं कली इन राज्‍य उइक्‍थ पा योक्‍शा गेतीनी हना यो, गो इन खिं मलाइनुङ। गो जचा थोव़क यो मजाइनुङ, ब्‍वाक्‍कु यो मतूनुङ।

१ राजा 22:14

तन्‍न मीकायाम चहिं “गो परमप्रभु यावे गेना हना यो ब्रोंइशा बाक्‍शो खोदेंशो पा परमप्रभु यावेमी आं कली मार देंबा, मेको ला देंनुङ” देंमाक्‍त।

येरमीया 12:2

गे मेको आन कली ख्रुम्तीनी। मिनु मेकोपुकीमी शाक्‍श थोक्‍शा, बारशा, फल गेनीम। मेको आन लोव़म ला इन नेक्‍था बाक्‍नीम। तन्‍न मेको आन थुंमी इन क्‍येङा ङोन बाक्‍नीम।

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

गन्‍ती 22:18

तन्‍न बालाममी बालाक आ गेय पाइब मुर आन कली “बालाकमी सुन नु चांदीम ब्रीशो आ दरवार गेती हना यो, गो परमप्रभु यावे, आं परमप्रभु आ लोव़ आइक्‍च बाक्‍त हना यो, ठेयब बाक्‍त हना यो, मेको लोव़ लाक्‍ने मचाप्‍नुङ। १राजा १३:८

गन्‍ती 22:38

मिनु बालाममी बालाक कली “मुल गो इन बाक्‍तीके जाक्‍ती। मार देंचा माल्‍नुङा, दे मतुइक्‍नुङ। परमप्रभुम मार देंबा, गो मेको ला देंने चाप्‍‍नुङ” देंत।

गन्‍ती 22:7

मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।

गन्‍ती 22:9

मिनु परमप्रभु बालाम आ बाक्‍तीक जाक्‍शा, मेको कली “गे नु बाक्‍ब मुरपुकी सु नमी?” देंत।

गन्‍ती 23:12

मिनु मेकोमी “गो परमप्रभु यावेम आं थुंम वोइश्‍शो देंशो लोव़ ब्‍वाक्‍चा माल्‍नुङ” देंत। गन्‍ती २२:३८

गन्‍ती 23:3

मिनु नोले बालाममी बालाक कली “गे इन चोशा चढ़ेतीके आ नेक्‍था राप्‍शा बाक्‍कीन। गो चहिं एर गे लाइनुङ। परमप्रभु यावे आं कली ग्रुम्‍थ जाक्‍बा, कों। मिनु मेकोमी आं कली मार कोंइबा, मेको इन कली देंनुङ” देंत। मिनु मेको गोरशो डांडा ङोंइसाक्‍व।

गन्‍ती 24:13

‘बालाकमी आं कली सुन नु चांदीम ब्रीशो आ दरवार गेती हना यो, परमप्रभु यावे आ लोव़ लाक्‍शा आं मिम्‍शोमी मारेइ रिम्‍शो नु मरिम्‍शो पने मचाप्‍नुङ। परमप्रभु यावेमी आं कली मार देंबा, गो मेकोन देंनुङ’ मदेंशो नङा ङा? गन्‍ती २२:१८