गन्‍ती 22:7 - Sunuwar Bible

⁷ मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।

गन्‍ती 22:7 ပူးပေါင်းရင်းမြစ်များ

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

इजीकीएल 13:19

मुठी का निक्‍शी क्‍योव़ज, नु टुक्रा का निक्‍शी शोब्‍ले आ पर्बम साइक्‍चा ममाल्‍शो मुर आन कली साइक्‍तीनी। मिनु ब्रोंइचा मगेचा माल्‍शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइ‍तीनी’ दे परमप्रभु, परमप्रभु यावेमी मेको आन कली माइक्‍मी” देंत।

इजीकीएल 21:21

मारदे हना बेबीलोन ङा पिप मेको लां निक्‍शी ग्रुम्‍तीकेम राप्‍ब। तेको लां लचा, दे मेकोमी लिंक्‍यु कोव़ब, ब्रा कली हिम्‍पाइक्‍ब। आ खिं ङा मूर्ति आन कली हिल्‍लो पा आ आइदी कोव़ब।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

गन्‍ती 22:8

मिनु बालाममी मेको आन कली “मुलाक्‍दो एकेन बाक्‍कीन। मिनु परमप्रभु यावेमी आं कली मार देंबा, गो मेकोन इन कली देंनुङ” देंत। मोपतीके मेको मोआब ङा ठेयब गेय पाइब मुरपुकी मेको नाक्‍दो बालाम आ खिं उइ बाक्‍तेक्‍म।

गन्‍ती 23:23

थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।

गन्‍ती 24:1

मिनु बालाममी परमप्रभु यावेमी इस्राएली आन कली आसीक गेचा थुं पशो बाक्‍त, दे तुइक्‍ताक्‍व। मिनु मेको ङोंइती ङा खोदेंशो पा परमप्रभु कली हिल्‍लो पथ मला। तन्‍न मेकोमी आ कुल गोरशो रागी गे हिरशा कोव़तु।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

तीतस 1:11

मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।

यहोसु 13:22

मिनु इस्राएलीपुकीमी मेकोपुकी नु बेओर आ तौ बालाम, लिंक्‍यु कोव़ब कली यो तरवारमी साइक्‍तेक्‍म। गन्‍ती २२:५; गन्‍ती ३१:८

२ पत्रुस 2:15

ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। गन्‍ती २२:७-३५

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-