गन्‍ती 22:5 - Sunuwar Bible

⁵ मेकोमी आमाव रागी युफ्रेटीस माइश्‍शो ठेयब खोला आ नेक्‍था, पेथोर सहरम बाक्‍शो बेओर आ तौ बालाम कली मुरपुकी ब्रथ सोइक्‍ताक्‍व। मेकोपुकीमी “इजीप्‍त रे जाक्‍शो मुरुम रागी नेल्‍ल ब्रीतेक्‍म। मेकोपुकी आं नेक्‍था जाक्‍शा बाक्‍शो बाक्‍नीम। गन्‍ती ३१:८; यहोसु २४:९; मीका ६:५

गन्‍ती 22:5 ပူးပေါင်းရင်းမြစ်များ

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

भजन संग्रह 105:24

मिनु परमप्रभु यावेमी आ मुर आन कली शुश सोशा बोशा सेल्‍मी बाक्‍त। मिनु मेको आन कली आन जोरी सत्रु आन क्‍येङा बोल्‍यो सेल्‍मी बाक्‍त। प्रस्‍थान १:७,१२

प्रस्‍थान 10:15

मेको शुश सल्‍हा माले बेरमानु, नाक्‍ती यो नाक्‍दो खोदेंशो पा छिङछिङ दुम्‍त। मेको सल्‍हा मालेमी मुप्‍स रे लीशो रू ङा वाशो नु रवा ङा फल नेल्‍ल नेक्‍तेक्‍म। मार मार गिग बाक्‍मा, मारेइ महेंदेम। इजीप्‍त रागी ङा रवा नु गिग खाइ नेल्‍ल नेक्‍तेक्‍म।

मीका 6:5

आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९

गन्‍ती 23:7

मिनु बालाममी परमप्रभु आ देंशो लोव़ पा बालाकमी आं कली अराम रागी रे चाक्‍तु। नां दाप्‍तीके ङा पहाडम बाक्‍ब मोआबी आन पिपमी आं कली “जाक्‍कीन, मिनु आं पा ङा याकूब कली सराप चीले पने। इस्राएली आन कली हिंच कोंइदीमी” देंत।

गन्‍ती 31:8

मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५

ब्‍यवस्‍था 23:4

मारदे हना गे इजीप्‍त रे ग्रूनीनु, मेकोपुकीमी जचा थोव़क नु ब्‍वाक्‍कु कुरशा इन कली ग्रुम्‍थ मपीम। मिनु मेकोपुकीमी यो इन कली सराप पचा, दे बेओर आ तौ बालाम मेसोपोटामीया आ नेक्‍था ङा अराम-नाहाराइम ङा पेथोर सहर रे क्‍येट गेशा ब्रेत्‍ताक्‍म। गन्‍ती २२:५-६

ब्‍यवस्‍था 23:5

मो हना यो परमप्रभु यावे, इन परमप्रभुमी बालाम आ लोव़ मनेन। मेकोमी मेको सराप के आसीक सेल्‍तु। मारदे हना परमप्रभु यावे, इन परमप्रभुमी इन कली दाक्‍ताक्‍व।

यहोसु 13:22

मिनु इस्राएलीपुकीमी मेकोपुकी नु बेओर आ तौ बालाम, लिंक्‍यु कोव़ब कली यो तरवारमी साइक्‍तेक्‍म। गन्‍ती २२:५; गन्‍ती ३१:८

यहोसु 24:9

मिनु मोआब ङा पिप सिप्‍पोर आ तौ बालाकमी इस्राएलीपुकी नु लडाइ पचा मिम्‍शा, इन कली सराप पचा कली बेओर आ तौ बालाम कली ब्रेत्‍थ सोइक्‍ताक्‍व। गन्‍ती २२:-

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११