गन्‍ती 22:41 - Sunuwar Bible

⁴¹ आ दीसा सुनी बालाकमी बालाम कली लाइश्‍शा, बामोथ-बालमी ङोइश्‍शा लत। मिनु मेकेर रे बालाममी इच्‍का मुर आन कली ताप्‍तु। यहोसु १३:१७

गन्‍ती 22:41 ပူးပေါင်းရင်းမြစ်များ

२ इतिहास 11:15

मिनु येरोबाममी डांडा ङा थानम आ सेल्‍शो क्‍यारश आ मूर्ति नु बाछा आन मूर्ति पूजा पचा कली आ चढ़ेब वोइक्‍पदा बाक्‍त।

येरमीया 19:5

मेकोपुकीमी आंम आल आन कली बाल देवता कली मीम चोशा चढ़ेचा कली डांडाम थान सेल्‍ना सेल्‍न बाक्‍तेक्‍म। मेको मो पन, दे गो मअरेङमी। गो मेको मशेंदुमी। मोदेंशो गेनायो ममिम्‍तु। येरमीया ७:३१-३३; लेवी १८:२१

येरमीया 48:35

गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।

गन्‍ती 21:28

हेश्‍बोन रे मी ग्रूत। सीहोन आ सहर रे ब्रशो मी ग्रूत। मिनु मेको मीम मोआब ङा आर सहर नु अरनोन ङा डांडा दाक्‍तु।

गन्‍ती 22:40

मिनु बालाकमी ब्‍यफ नु क्‍यारश भेडा क्‍योरशा चढ़ेशा, बालाम नु मेको नु बाक्‍ब ठेयब मुर आन कली यो थुल्‍तीमी।

गन्‍ती 23:1

मिनु बालाममी बालाक कली “आं कली ७ ओटा चढ़ेतीक सेलीन। मिनु ७ ओटा ब्‍यफ नु ७ ओटा सांड ठीक सेलीन” देंत।

गन्‍ती 23:13

मिनु बालाकमी मेको कली “गो नु अर्को बाक्‍तीके पिने। गे एकेर रे मेको आन कली ताइनीनी। मेकेर रे मेको आन कली इच्‍का ला ताइतीनी। नेल्‍ल आन कली तने मचाप्‍नीनी। मेको आन कली मेकेर रे सराप चीले पतीन” देंत।

ब्‍यवस्‍था 12:2

मिनु गे तेको रागी ङा मुर आन कली खेरनीनी, मेको आन देवी देवता आन थान नेल्‍ल प्रेत्‍चा माल्‍नीनी। मेको लाइश्‍शो डांडाम, पहाडीम नु नेल्‍ल रवा आन पुंम बाक्‍शो बाक्‍नीम। ब्‍यवस्‍था ७५,२५; प्रस्‍थान ३४:१३