गन्‍ती 22:4 - Sunuwar Bible

⁴ मिनु मोआबीपुकीमी मिदयान ङा खाल्‍पा आन कली “दोपा ब्‍यफोम घांस बाक्‍तीक दिंम चाइश्‍शा घांस नेल्‍ल ब्‍वाइबा, मोपा एको हुलपुकीमी इं कली एर ओंथ नेल्‍ल रे ब्‍वाइनीम” देंतेक्‍म। मेना सिप्‍पोर आ तौ बालाक मोआब ङा पिप बाक्‍त।

गन्‍ती 22:4 ပူးပေါင်းရင်းမြစ်များ

१ राजा 11:18

मिनु मेकोपुकी मिदयान रे पारानम जाक्‍मा बाक्‍त। मिनु पारान रे सुइ मुर आन कली लाइश्‍शा इजीप्‍त ङा पिप फाराओ आ बाक्‍तीके लशो बाक्‍मा बाक्‍त। मिनु फाराओमी हादाद कली आ रागीम खिं का रू नु जचा तूचा थोव़क गार पा गेशा वोइश्‍शो बाक्‍माक्‍त।

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

येरमीया 48:38

मोआबी आन खिं तारी नु लां मेर रोंका पशो ङा लाक्‍शा अर्को मारेइ मनेंसीब। मारदे हना गो मोआब कली सुइम ममाल्‍चा ङा ग्‍योंब खोदेंशो पा प्रोल्‍ता” दे परमप्रभु यावेमी देंत।

गन्‍ती 22:2

मिनु सिप्‍पोर आ तौ बालाकमी इस्राएलीपुकीम एमोरी आन कली मार पाइश्‍शो बाक्‍मा, मेको नेल्‍ल तुइश्‍शो बाक्‍त।

गन्‍ती 22:7

मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२

गन्‍ती 25:6

मिनु इस्राएलीपुकी ग्रुम्‍तीक ताम्‍बु आ ओव़तीकेम ङाक्‍शा बाक्‍मानु, मेना इस्राएली काम मोसा नु इस्राएली नेल्‍ल आन ङोंइती आ खिंम मिदयानी मीश का चाक्‍तु। गन्‍ती ३१:१६

गन्‍ती 31:1

मिनु परमप्रभु यावेमी मोसा कली

गन्‍ती 31:8

मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५

न्‍यायाधीस 11:25

मुल मार, गे मोआबी आन पिप सिप्‍पोर आ तौ बालाक क्‍येङा रिम्‍शो बाक्‍नीनी? मार, मेकोमी इस्राएली नु जिशा, मेको नु लडाइ पवा ङा? गन्‍ती २२:२; यहोसु २४:९

न्‍यायाधीस 6:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ७ बर्स कली मिदयान ङा मुर आन गुइमी गेवा बाक्‍त।