गन्‍ती 22:3 - Sunuwar Bible

³ मिनु मोआब ङा मुर इस्राएली आन कली तशा साप्‍पा हिंतेक्‍म। मारदे हना मेको शुश बाक्‍तेक्‍म। मोपतीके मेको आन थुं ग्‍येत्‍थ लुक्‍च दुम्‍त।

गन्‍ती 22:3 ပူးပေါင်းရင်းမြစ်များ

नेहेम्‍याह 13:2

मारदे हना मेकोपुकी इस्राएली आन कली शोब्‍ले नु ब्‍वाक्‍कु गेचा कली ग्रुम्‍थ मजाक्‍शो बाक्‍तेक्‍म। तन्‍न इस्राएली आन कली सराप पाइक्‍चा कली बालाम कली क्‍येट गेशा, ब्रेश्‍शो बाक्‍तेक्‍म। मो पाम्‍तेक्‍म हना यो, आंइ परमप्रभुमी मेको सराप रे आसीक सेल्‍शो बाक्‍त” दे ब्रेक्‍शो बाक्‍त। गन्‍ती २२:५-६

भजन संग्रह 53:5

मिनु नोले मेकोपुकी थाम्‍पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्‍ब आन रुश फ्राइब। मिनु मेकोपुकी मुने दोक्‍नीम। मारदे हना परमप्रभुमी मेको आन कली तिल्‍शो बाक्‍ब।

प्रस्‍थान 1:12

तन्‍न इस्राएली गिश श्‍येत जामे, मिश बारना बारन शुश दुम्‍शा, इजीप्‍त रागी ब्रीमा बाक्‍त। मिनु मेको आन कली तशा, इजीप्‍त ङा मुर शुश हिंमा बाक्‍त।

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

प्रस्‍थान 23:27

गो इन ङोंइङोंइती हिंच कोंइनुङमी। मिनु गे ते ते जाक्‍दीत्‍नीनी, गो मेक ङा जात जात ङा मुर आन थुं लुक्‍च लपाइक्‍नुङ। मिनु इन जोरी सत्रु इन कली तशा प्रोक्‍नीम। उत्‍पत्ती ३५:५; यहोसु २:९-११; १सामुएल १४:१५

यसैया 23:5

इजीप्‍त रागीम टायर आ पर्बम लोव़ जाक्‍दीम्‍मेनु, मेकेर ङा मुर हिंनीम।

ब्‍यवस्‍था 2:25

मुलाक्‍त रे गो जात जात ङा मुर नेल्‍ल आन कली इन लोव़ नेंशा, इन क्‍येङा हिंशा, ख्रिंख्रि पाइब सेल्‍नुङमी’ देंत। प्रस्‍थान २३:२७

यहोसु 2:24

मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

यहोसु 9:24

मिनु मेकोपुकीमी यहोसु कली “परमप्रभु यावे, इ परमप्रभुमी आ गेय पाइब मोसा कली ‘रागी नेल्‍ल इन के दुम्‍ब। एको रागी ङा मुर नेल्‍ल सतीन’ दे अरेशो तुइश्‍शो नकी। मोपतीके गो इन कली तशा शुश हिंतीके, आंइ कली प्रोंइचा कली जोल पाइतक।