गन्‍ती 22:23 - Sunuwar Bible

²³ मिनु मेको गधामी परमप्रभु यावे आ स्‍वर्ग ङा गेय पाइब शोइश्‍शो तरवार शेशा, लांम बाक्‍शो ताप्‍तु। मिनु मेको गधा हिंशा, लां रे रूम लत। मिनु बालामम गधा कली लां गे सोइक्‍चा कली तुप्‍तु। यहोसु ५:१३

गन्‍ती 22:23 ပူးပေါင်းရင်းမြစ်များ

२ राजा 6:17

मिनु एलीशामी “परमप्रभु यावे, एको आ मिक्‍च ताइब सेलीन। मिनु एकोम तवल” दे पुना बाक्‍त। मिनु परमप्रभु यावेम मेको गेय पाइब आ मिक्‍च ताइब सेला बाक्‍त। मिनु मेकोमी एलीशा आ एर ओंथ ङा डांडा नेल्‍लेम मी ब्रशो शारा नु बग्‍गीम ब्रीशो तवा बाक्‍त। यहोसु ५:१३

१ इतिहास 21:16

मिनु दाऊदमी इर गे कोव़ङानु, परमप्रभु यावे आ स्‍वर्ग ङा गेय पाइब का सरीङ नु रागी आस दातेमी राप्‍शा, आ गुइमी शोइश्‍शो तरवार का यरूसलेम गे दिंशो तवा बाक्‍त। मिनु दाऊद नु मेको नु बाक्‍शो खूशोपुकी भाङग्रा फेक्‍शा खुम्‍की पा बाम्‍मा बाक्‍त।

येरमीया 8:7

सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३

दानीएल 10:7

गो, दानीएलमी मेको कोंइतीक ताता। गो नु बाक्‍ब मुर सुइमी मतामे। तन्‍न मेकोपुकी हिंशा ख्रिंख्रि पा प्रोक्‍शा ख्रुंइसाक्‍म।

गन्‍ती 22:22

मिनु मेको मोपा लतीके परमप्रभु गाइक्‍ताक्‍व। मिनु परमप्रभु यावे आ स्‍वर्ग ङा गेय पाइब कामी मेको कली तेक्‍चा, दे लांम राप्‍शा बाक्‍त। मिनु बालाम आ गधाम ङोइश्‍शा लना लन बाक्‍त। मेको आ गेय पाइब निक्‍शी यो मेको नु गाक्‍शो बाक्‍ताक्‍स। उत्‍पत्ती १६:७

गन्‍ती 22:24

मिनु परमप्रभु यावे आ स्‍वर्ग ङा गेय पाइब आइक्‍च लांम राप्‍शा बाक्‍त। मेको लां निम्‍फा पटटी गारो प्रोव़शो अङगुर रू आस दातेमी बाक्‍त।

प्रेरित 22:9

गो नु काथा गाक्‍बपुकीमी छेङछेङ दुम्‍शो ताम्‍तेक्‍मे। लोव़ पशो चहिं मारेइ मनेनेम।

यहोसु 5:13

यहोसु यरीको आ नेक्‍था बाक्‍मेनु, मेको आ ङोंइती गुइमी तरवार शेशा मुर का दोक राप्‍शो ताप्‍तु। मिनु यहोसु मेको आ नेक्‍था लशा “गे आंइ मुर ननी देय आंइ जोरी सत्रु आ मुर ननी?” दे हिल्‍लो पाप्‍तु। गन्‍ती २२:२३,३१

२ पत्रुस 2:16

मेकोमी मरिम्‍शो मिम्‍शा पचा चिक्‍तानु, हुइक्‍चा पुंइसे बाक्‍त। दोपा हुइक्‍चा पुंइसे बाक्‍त देंशा हना, मब्‍वाक्‍ब गधामी मुर आ सेंदामी लोव़ पवा बाक्‍त। मिनु परमप्रभु यावे आ लोव़ पाइब कली मेको आ मरिम्‍शो गेय रे तेक्‍गा बाक्‍त।

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-