गन्‍ती 21:9 - Sunuwar Bible

⁹ मिनु मोसाम कांसा के बुस्‍स का सेल्‍तु। मिनु मेको कली ख्रांबा काम क्‍युक्‍तु। मिनु सु सु बुस्‍सुमी कोक्‍शो बाक्‍मा, मेकोपुकीम कांसा के बुस्‍स कोव़ङमेनु, ब्रोंइतेक्‍म।

गन्‍ती 21:9 ပူးပေါင်းရင်းမြစ်များ

२ राजा 18:4

मेकोम डांडा ङा थानपुकी प्रेश्‍शा, ताइक्‍तीमी बाक्‍त। ख्रुक्‍शो फुल्‍लु जिक्‍शा, मूर्ति पाइश्‍शो थाम क्‍योरशा ताइक्‍तीमी बाक्‍त। मेकोमी मोसा आ सेल्‍शो कांसा के बुस्‍स कली टुक्रा टुक्रा पवा बाक्‍त। मारदे हना मेना सम्‍म इस्राएलीपुकीम मेको कली धूप चोइबाक्‍मा बाक्‍त। मेकोपुकीम मेको कली नहुश्‍तन देंबाक्‍मा बाक्‍त। २राजा १५:३५; गन्‍ती २१:८-९

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

जकरिया 12:10

मिनु परमप्रभुमी “गो दाऊद आ खिं ङा मुर नु यरूसलेममी बाक्‍ब मुर आन तारी शिशी पतीक नु पुंइतीक लोव़ पतीके सोक्‍त मोइक्‍नुङ। मो दुम्‍मेनु, आ साइश्‍शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्‍नीम। योएल ३:१; यूहन्‍ना १९:३७; प्रकाश १:७

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 12:32

गो क्‍युक्‍शा साइक्‍चा पुंइसीशा, मुर नेल्‍ल आन कली आं गे कीनुङमी” देंत। यूहन्‍ना ८:२८

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

रोमी 1:17

परमप्रभु यावेमी मुर आन कली दोपा ठीक दुम्‍पाइक्‍बा, मेको आ लोव़ रे पा तुंइ‍सीब। मिनु “ठीक पाइब आं कली थमा सुइश्‍शा ब्रोंइब” दे ब्रेक्‍शो बाक्‍ब। हबकुक २:४; रोमी ३:२१-२२; गलाती ३:११

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४