गन्‍ती 21:33 - Sunuwar Bible

³³ मेको नोले मेकोपुकी हिरशा बाशान ङा लां रे पा ङोइश्‍शा लाम्‍तेक्‍म। मिनु बाशान ङा पिप ओग नु आ मुरपुकी इस्राएली नु लडाइ पचा कली ग्रूशा एद्रेइमी जाक्‍तेक्‍म। ब्‍यवस्‍था ३:१-११

गन्‍ती 21:33 ပူးပေါင်းရင်းမြစ်များ

भजन संग्रह 135:11

मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्‍ल आन कली साइक्‍तीमी।

भजन संग्रह 136:20

मेकोमी बाशान ङा पिप ओग कली साइक्‍तु। मारदे हना मेको आ दाक्‍तीके गेना हना यो लीब।

भजन संग्रह 22:12

ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।

भजन संग्रह 68:15

बाशान ङा डांडा परमप्रभु आ डांडा बाक्‍ब। मेको थम ठेयब बाक्‍ब। मेकेर डांडा शुश बाक्‍नीम।

भजन संग्रह 68:22

मिनु परमप्रभुमी “गो मेको आन कली बाशान रे चाक्‍नुङमी। मेको आन कली समुन्‍द्र आगा रे ग्रुंइनुङमी।

यसैया 33:9

रागी रोंका पशा, गोरशो दुम्‍शो बाक्‍ब। लेबानोन मुने दोक्‍शा, बेक्‍त। शारोन गोरशो रागी खोदेंशो दुम्‍त। बाशान नु कारमेलम आस सफा तोक्‍नीस।

इजीकीएल 27:6

मेकोपुकीम इ ब्‍वाक्‍क शाक्‍तीके बाशान ङा बोल्‍यो शी के सेल्‍तेक्‍म। इ थेक्‍शा गाक्‍तीक साइप्रस ङा समुन्‍द्र आ शुंइच रे चाक्‍शो तोव़शी रवा आ शी के सेल्‍शा हात्ती आ दारा के बुटा आप्‍शा सेल्‍तेक्‍म।

इजीकीएल 39:18

गेपुकीम शुश सक्ति पाइश्‍शो मुर आन श्‍ये ब्‍वाइनीनी। मिनु रागी ङा पिप आन सासन पाइब, बाशान ङा सांड, पाठा, बोका नु ब्‍यफ आन हुश तूनीनी।

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

गन्‍ती 32:33

मिनु मोसामी गाद आ थर, रूबेन आ थर नु योसेफ आ तौ मनस्‍से आ उइक्‍थ थर ङा मुर आन कली एमोरी आन पिप सीहोन आ राज्‍य नु बाशान ङा पिप ओग आ राज्‍य, मेको रागी नु आ एर ओंथ ङा सहर नेल्‍ल गेम्‍तीमी। यहोसु १३:१५-३२

ब्‍यवस्‍था 1:4

ङोंइती मेकोपुकीमी हेश्‍बोन ङा एमोरी आन पिप सीहोन नु अश्‍तारोथ नु एद्रेइ सहरम बाक्‍ब बाशान ङा पिप ओग नु लडाइ पा ग्रातेक्‍म। गन्‍ती २१:२१-३५

ब्‍यवस्‍था 2:30

तन्‍न हेश्‍बोन ङा पिप सीहोनमी आंइ कली गाक्‍तीक लां मगेव। मारदे हना परमप्रभु यावे, इन परमप्रभुमी इन पा ङा लडाइ पा ग्राचा कली मेको आ थुं खकटा नु मटीब सेला बाक्‍त। मिनु मोदेंशो दुम्‍त। प्रस्‍थान ४:२१

ब्‍यवस्‍था 29:7

मिनु गेपुकी एको रागीम जाक्‍नीनु, हेश्‍बोन ङा पिप सीहोन नु बाशान ङा पिप ओग गोपुकी नु लडाइ पचा कली ग्रुम्‍शा जाक्‍ताक्‍स। मिनु गो मेको आन कली फ्रुइतय। गन्‍ती २१:२१-३५

ब्‍यवस्‍था 32:14

मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।

ब्‍यवस्‍था 4:47

मेको रागी आंम के सेल्‍शा, बाशान ङा पिप ओग आ रागी यो आंम के सेल्‍शो बाक्‍तेक्‍म। मेको निक्‍शी एमोरी आन पिप बाक्‍ताक्‍स। मेको रागी यर्दन ओंथ हांबु नां दाप्‍तीके गे बाक्‍त।

यहोसु 12:4

मेको बाशान ङा पिप, ओग आ रागी बाक्‍त। मिनु मेको रेफाइम आन नोले ङा पिप का बाक्‍माक्‍त। मेको ते ते सासन पाइबाक्‍माक्‍त देंशा हना, अश्‍तारोथ नु एद्रेइमी सासन पाइबाक्‍माक्‍त। गन्‍ती २१:३३; ब्‍यवस्‍था ३:१०-११

यहोसु 13:12

मिनु अश्‍तारोथ नु एद्रेइमी सासन पाइब बाशान सहरम बाक्‍ब ओग माइश्‍शो पिप आ रागी नेल्‍ल गेशो बाक्‍त। मेको पिप ओग ला रेफाइम आन दातेमी ब्रोंइशा लीशो बाक्‍माक्‍त। मोसामी मेको आन कली ग्राशा, खेरशो बाक्‍त।

यहोसु 13:30

मेको आन रागी महा-नाइम रे लाइश्‍शा, बाशान नेल्‍ल गेशो बाक्‍त। बाशान ङा पिप ओग आ राज्‍य नेल्‍ल नु बाशान ङा याइर आ सहर नेल्‍ल पा ६० ओटा सहर गेशो बाक्‍त। यहोसु १७:१; न्‍यायाधीस १०:३-४

यहोसु 9:10

यर्दन आइक्‍ची हांबु ङा एमोरी आन पिप निक्‍शी, हेश्‍बोन ङा पिप सीहोन कली नु अश्‍तारोथम बाक्‍ब बाशान ङा पिप ओग कली मार मार पनी मेको नेल्‍ल नेंतक। गन्‍ती २१:२१-३५