गन्‍ती 21:25 - Sunuwar Bible

²⁵ इस्राएलीपुकीम मेको सहर नेल्‍ल आन के सेल्‍तेक्‍म। मिनु मेकोपुकीम एमोरी आन सहर नेल्‍ल नु हेश्‍बोन नु मेको आ एर ओंथ ङा गाउं नेल्‍लेम बाक्‍तेक्‍म।

गन्‍ती 21:25 ပူးပေါင်းရင်းမြစ်များ

ठेयब कुम्सो 7:4

इ शुर हात्ती आ ख्रुइ के सेल्‍शो लाइश्‍शो खिं खोदेंशो बाक्‍ब। इ मिक्‍च बाथ-राब्‍बीम ङा लाप्‍चो आ नेक्‍था बाक्‍शो हेश्‍बोन ङा दोम्‍ली खोदेंशो बाक्‍नीस। इ नें दमस्‍कस सहर गे कोव़शो लेबानोन ङा लाइश्‍शो खिं खोदेंशो बाक्‍ब।

यसैया 15:4

हेश्‍बोन नु एलेआले सहर ङा मुर वाइ ब्रेश्‍शा ङाक्‍नीम। मेको आन ङाक्‍शो याहास सम्‍म नेंसीब। मोपतीके मोआब ङा लडाइ पाइबपुकी ख्रिंख्रि पा आन थुं लुक्‍च लाइब। यसैया १६:९-११

येरमीया 48:2

मुल रे मोआब कली ठेयब मसेल्‍नीम। मुरपुकीम हेश्‍बोनम लोव़ गारपाइक्‍तेक्‍म। मेकोपुकीमी ‘जाक्‍कीन, गो मेको कली रागी का मदुम्‍चा ङा सेल्‍य। ए मादमेन सहर, इ कली यो सिक्‍सी पपाइक्‍नीम। इ कली तरवार शेशा खेदा पाइनीम’ देंतेक्‍म।

येरमीया 48:34

हेश्‍बोन नु एलेआले वाइ ब्रेत्‍नीस। मेको याहास सम्‍म नेंसीब। सोआर रे होरोनाइम, एग्‍लाथ-शेलीशीया सम्‍म वाइ ब्रेश्‍शो नेंसीब। मारदे हना निम्रीम ङा ब्‍वाक्‍कु यो सोव़ने थुम्‍शो बाक्‍ब।

येरमीया 48:45

परमप्रभु यावेमी “प्रोक्‍बपुकी हेश्‍बोन आ वांकुमी दिक्‍नीम। मारदे हना हेश्‍बोन रे मी का ग्रूत। सीहोन आ खिं रे मी ग्रूत। मेकोमी मोआब आ कुप्‍फ नु जीब नु मरिम्‍शो पाइब आन पिया जेप्‍ब। गन्‍ती २१:२८-२९

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

इजीकीएल 16:49

इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।

इजीकीएल 16:53

मिनु गो सोदोम नु आ तमी आन कली रिम्‍शो दुम्‍तीक नाक्‍ती लेश्‍शा गेनुङमी। मिनु सामरीया नु आ तमी आन कली यो मोदेंशो पाइनुङ। मिनु इ रिम्‍शो दुम्‍तीके नाक्‍ती यो लेश्‍शा गेनन। ब्‍यवस्‍था ३०:३

आमोस 2:10

मिनु गो इन कली एमोरी आन रागी गेचा कली इजीप्‍त रागी रे ग्रुंइशा ४० बर्स सम्‍म गोरशो रागीमी लां कोंइशा गाक्‍पाइक्‍तन्‍नी।

गन्‍ती 21:26

हेश्‍बोन सहर एमोरी आन पिप सीहोन आ सहर बाक्‍त। पिप सीहोनमी मोआबी आन ङोंइती ङा पिप नु लडाइ पा मेको आ रागी अरनोन खोला सम्‍म आ के सेल्‍शो बाक्‍त।

गन्‍ती 21:31

मोपा इस्राएलीपुकी एमोरी आन रागीम आन खिं सेल्‍‍तेक्‍म।

गन्‍ती 32:3

“अतारोथ, दीबोन, याजेर, निम्रा, हेश्‍बोन, एलेआले, सेबाम, नेबो नु बेओन,

ब्‍यवस्‍था 2:12

ङोंइती होरीपुकी यो सेइरम बाक्‍शो बाक्‍तेक्‍म। मिनु नोले एसाव आ मुरपुकीम मेको आन कली साइश्‍शा, मेको आन रागीम बाक्‍तेक्‍म। परमप्रभु यावेमी इस्राएली आन कली गेशो रागी मेकोपुकीम आंम के सेल्‍शो खोदेंशो पा, मोआब ङा मुरपुकीमी मेको रागी आंम के सेल्‍शो बाक्‍तेक्‍म’ देंत। उत्‍पत्ती १४:६

यहोसु 24:8

मिनु गो इन कली यर्दन आ पूर्ब एमोरी आन रागीमी चाक्‍‍ता। मिनु मेकोपुकीमी गेपुकी नु लडाइ पाम्‍तेक्‍म। मिनु गो मेको आन कली इन गुइमी गेता। गो मेको आन कली इन ङोंइती खतम सेल्‍ता। मिनु गेपुकीमी मेको आन रागी आंम के सेल्‍तीनी। गन्‍ती २१:२५,३१

न्‍यायाधीस 11:26

इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?