गन्‍ती 21:24 - Sunuwar Bible

²⁴ मिनु इस्राएलीपुकीम मेको कली तरवारम क्‍योरशा साइक्‍तेक्‍म। मिनु अरनोन खोला रे यब्‍बोक खोला सम्‍म मेको आ रागी आन के सेल्‍तेक्‍म। मिनु अम्‍मोनी आन सांद सम्‍म मेकोपुकीम आन रागी सेल्‍तेक्‍म। मारदे हना, अम्‍मोनी आन सांद बोल्‍यो बाक्‍त।

गन्‍ती 21:24 ပူးပေါင်းရင်းမြစ်များ

उत्पत्ती 32:22

मिनु मेको नाक्‍दो बोक्‍शा, आ मीश निक्‍शी, आ गेय पाइब मीश निक्‍शी नु आ ११ जना तौ आन कली लाइश्‍शा, यब्‍बोक खोला शोक्‍पाइक्‍मी बाक्‍त।

नेहेम्‍याह 9:22

मेको आन कली राज्‍य नु जात जात ङा मुरपुकी नु ग्रापाइक्‍तीनी। मेको आन बाक्‍तीके का का पा योव़शा गेतीनी। मिनु सीहोन माइश्‍शो, हेश्‍बोन रागी ङा पिप नु ओग माइश्‍शो, बाशान रागी ङा पिप आस रागी यो मेको आन कली गेतीनी। गन्‍ती २१:२३-२४; गन्‍ती २१:३३,३५

भजन संग्रह 136:19

मेकोमी एमोरी आन पिप सीहोन कली साइक्‍तु। मारदे हना मेको आ दाक्‍तीके गेना हना यो लीब।

आमोस 2:9

गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८

गन्‍ती 21:13

मिनु मेकोपुकी मेकेर रे गाक्‍शा, एमोरी आन सांदम ग्रूतीक गोरशो रागीम बाक्‍शो अरनोन खोला आ आइक्‍ची हांबुम आन बाक्‍तीक सेल्‍तेक्‍म। मेको अरनोन खोला मोआब आ सांद बाक्‍ब। मेको एमोरी नु मोआबी आन दातेम बाक्‍ब।

ब्‍यवस्‍था 1:4

ङोंइती मेकोपुकीमी हेश्‍बोन ङा एमोरी आन पिप सीहोन नु अश्‍तारोथ नु एद्रेइ सहरम बाक्‍ब बाशान ङा पिप ओग नु लडाइ पा ग्रातेक्‍म। गन्‍ती २१:२१-३५

ब्‍यवस्‍था 29:7

मिनु गेपुकी एको रागीम जाक्‍नीनु, हेश्‍बोन ङा पिप सीहोन नु बाशान ङा पिप ओग गोपुकी नु लडाइ पचा कली ग्रुम्‍शा जाक्‍ताक्‍स। मिनु गो मेको आन कली फ्रुइतय। गन्‍ती २१:२१-३५

ब्‍यवस्‍था 3:16

मिनु गो रूबेन आ थर नु गाद आ थर ङा मुर आन कली मार गेतामी देंशा हना, गिलाद रे अरनोन खोल्‍सा आ दाते सम्‍म नु आ नेक्‍था ङा दिंम यब्‍बोक खोल्‍सा सम्‍म गेतामी। मेको अम्‍मोनी आन सांद बाक्‍ब।

ब्‍यवस्‍था 31:4

मिनु परमप्रभु यावेमी मेको एमोरी आन पिप सीहोन नु ओग नु आन रागी खतम पोक्‍शो खोदेंशो पा, मेको आन कली यो खतम पोक्‍ब। गन्‍ती २१:२१-३५

ब्‍यवस्‍था 4:46

मिनु मेना मेकोपुकी यर्दन ओंथ हांबु, बेथ-पेओर आ ङोंइती बाक्‍शो बेंसीम बाक्‍तेक्‍म। मेको ङोंइती हेश्‍बोनम बाक्‍शो सीहोन, एमोरी आन पिप आ रागी बाक्‍त। मेको रागी मोसा नु इस्राएलीपुकीमी इजीप्‍त रे गाक्‍मा नोले लडाइ पा ग्राशो बाक्‍तेक्‍म। गन्‍ती २१:२४

यहोसु 13:12

मिनु अश्‍तारोथ नु एद्रेइमी सासन पाइब बाशान सहरम बाक्‍ब ओग माइश्‍शो पिप आ रागी नेल्‍ल गेशो बाक्‍त। मेको पिप ओग ला रेफाइम आन दातेमी ब्रोंइशा लीशो बाक्‍माक्‍त। मोसामी मेको आन कली ग्राशा, खेरशो बाक्‍त।

यहोसु 24:8

मिनु गो इन कली यर्दन आ पूर्ब एमोरी आन रागीमी चाक्‍‍ता। मिनु मेकोपुकीमी गेपुकी नु लडाइ पाम्‍तेक्‍म। मिनु गो मेको आन कली इन गुइमी गेता। गो मेको आन कली इन ङोंइती खतम सेल्‍ता। मिनु गेपुकीमी मेको आन रागी आंम के सेल्‍तीनी। गन्‍ती २१:२५,३१

यहोसु 9:10

यर्दन आइक्‍ची हांबु ङा एमोरी आन पिप निक्‍शी, हेश्‍बोन ङा पिप सीहोन कली नु अश्‍तारोथम बाक्‍ब बाशान ङा पिप ओग कली मार मार पनी मेको नेल्‍ल नेंतक। गन्‍ती २१:२१-३५

न्‍यायाधीस 10:11

मिनु परमप्रभु यावेमी इस्राएली आन कली “ङोंइती इन कली इजीप्‍त ङा मुर, एमोरी, अम्‍मोनी नु पलिस्‍ती आन गुइ रे प्रोंइतन्‍नी।

न्‍यायाधीस 11:13

मिनु अम्‍मोनी आन पिपमी येफ्‍ता आ मुर आन कली “इस्राएलीपुकी इजीप्‍त रे जाक्‍शा, अरनोन खोला रे यब्‍बोक नु यर्दन खोला सम्‍म आंइ रागी लाइक्‍तेक्‍म। मेको रागी सिक्‍सी पा लेत्‍तीन” दे लोव़ सोइक्‍ता बाक्‍त।

न्‍यायाधीस 21:8

मिनु मेकोपुकीमी “परमप्रभु यावे आ ङोंइती इस्राएली आन थर ङा मिस्‍पामी मजाक्‍ब, सु बाक्‍मे?” दे हिल्‍लो पशा, याबेश-गिलाद रे सुइ यो ग्रुम्‍तीक ताम्‍बुमी मजाक्‍मा बाक्‍त, दे तुइक्‍तमे बाक्‍त।