गन्‍ती 21:2 - Sunuwar Bible

² मिनु इस्राएलीपुकीमी परमप्रभु यावे कली “गे एको मुर आन कली थमा पा आंइ गुइमी गेतीनी हना, गोपुकीमी मेको आन सहर नेल्‍ल रोवल चिवल पोक्‍नीकी” दे कसम जाम्‍तेक्‍म। ब्‍यवस्था १३:१६; ब्‍यवस्‍था २०:१४,१६,१७; यहोसु ६:१७; न्‍यायाधीस १:१७; १सामुएल १५:३

गन्‍ती 21:2 ပူးပေါင်းရင်းမြစ်များ

उत्पत्ती 28:20

मिनु याकूबमी “परमप्रभु गो नु बाक्‍त हना, लां कोंइशा कोव़ती हना, जचा नु फेक्‍चा यो गेती हना,

भजन संग्रह 116:18

गो परमप्रभु यावे आ मुर नेल्‍ल आन ङोंइती आं जशो कसम खाप्‍नुङ।

भजन संग्रह 132:2

मेकोमी परमप्रभु यावे आ नेंम कसम जशो बाक्‍त। मिनु याकूब आ नेल्‍ल क्‍येङा सक्ति पाइश्‍शो आ नेंम कसम जाप्‍तु।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

ब्‍यवस्‍था 13:15

गेपुकीमी मेको सहर ङा मुर आन कली थमा पा क्‍योरशा साइक्‍चा माल्‍नीनी। मेको सहर नेल्‍ल कली खतम सेल्‍चा माल्‍नीनी। मिनु मेकेर बाक्‍शो बी ब्‍यफ, क्‍यारश भेडा नेल्‍ल यो साइक्‍चा माल्‍नीनी।

ब्‍यवस्‍था 13:16

मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 20:16

तन्‍न परमप्रभु यावे, इन परमप्रभुमी मेको जात जात ङा मुर आन सहर इन कली गेशो सहरम मार मार सेस बाक्‍मे, मेको साइक्‍चा माल्‍नीनी। गन्‍ती २१:१-३; यहोसु १०:४०

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 6:17

एको सहर नु एको आगा बाक्‍शो मारेइ मारेइ खतम सेल्‍तीक परमप्रभु यावे केन बाक्‍ब। राहाब तेल्‍लेम नु आ खिंमी बाक्‍ब मुर ला ब्रोंइचा ताइनीम। मारदे हना मेकोमी आंइ सोइश्‍शो क्‍यारी पाइब मुर आस कली ख्रुइश्‍शा प्रोंइशो बाक्‍त। ब्‍यवस्‍था २०:१६-१७; यहोसु २:१२-१३; हिब्रू ११:३१

यहोसु 6:26

मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४

न्‍यायाधीस 11:30

येफ्‍तामी परमप्रभु यावे कली कबल का पवा बाक्‍त। मेकोमी मार कबल पवा बाक्‍त देंशा हना “परमप्रभु यावे, गे अम्‍मोनी आन कली आं गुइमी गेतीनी हना, २सामुएल १५:८

१ सामुएल 1:11

मिनु मेकोमी कबल पा “मुर नेल्‍ल आन परमप्रभु यावे, गे इन वाइलीम, आं श्‍येत तशा, आं कली मिम्‍शा, मप्रेंताक्‍नी हना, आं कली तौ का गेयीनी। गो मेको कली मबेक्‍म सम्‍म परमप्रभु यावे, इन कली जिम्‍मा गेनुङ। मेको आ चां गेनायो मप्रेक्‍सीब मेकोम गेनायो अङगुर शांबु मतूब” दे कबल पवा बाक्‍त। आमोस २:११; न्‍यायाधीस १३:५