गन्‍ती 20:21 - Sunuwar Bible

²¹ मोपा एदोममी इस्राएली आन कली आ रागी रे पा लचा मगेमी। मोपतीके इस्राएलीपुकी मेकेर रे लेत्‍तेक्‍म।

गन्‍ती 20:21 ပူးပေါင်းရင်းမြစ်များ

२ इतिहास 20:10

आंइ किकी पिपी इजीप्‍त रे जाक्‍मानु, गे इस्राएली आन कली ‘अम्‍मोनी, मोआबी नु सेइर डांडा ङा मुर आन रागी मओव़ङीन’ देंशो बाक्‍तीनी। मोपतीके मेकोपुकी एर ओंथ रे हिरशा, मेको आन कली खतम मसेल्‍थु लमा बाक्‍त। ब्‍यवस्‍था २:४,५,९,१९

गन्‍ती 21:23

तन्‍न सीहोनमी इस्राएली आन कली आ रागी लाक्‍शा लचा मगेवो। मेकोम आ लडाइ पाइबपुकी खुप्‍शा, गोरशो रागीम इस्राएली आन कली लडाइ तोप्‍तु। मेकोमी याहास सम्‍म जाक्‍शा, इस्राएली नु लडाइ पाप्‍तु।

गन्‍ती 21:4

मिनु मेकोपुकी एदोम रागी कली हेरशा लचा, दे होर डांडा रे लल समुन्‍द्र गे लाम्‍तेक्‍म। तन्‍न मुरपुकी शुश गाक्‍चा माल्‍तीके दाम्‍तेक्‍म। गन्‍ती ११:४-६

ब्‍यवस्‍था 2:27

मार लोव़ सोइक्‍ताक्‍ङमी देंशा हना ‘आंइ कली इन रागी रे लचा गेकी। गो एर ओंथ मपथु, ठेयब लां खोइश्‍शा गाक्‍नीकी।

ब्‍यवस्‍था 2:29

मोपा सेइरम बाक्‍ब एसाव आ खिं खिं ङा मुरपुकीमी नु आर सहरम बाक्‍ब मोआबी ङा मुरपुकीमी गाक्‍चा गेम्‍तेक्‍म। परमप्रभु यावे, इं परमप्रभुमी गेशो यर्दन खोला आइक्‍ची हांबु ङा रागी जाक्‍दीचा सम्‍म लां गेने’ देंथ, मुरपुकी सोइक्‍ताक्‍ङमी।

ब्‍यवस्‍था 23:7

मिनु गेपुकीमी एदोमी आन कली ग्रांग्रा मदित्‍चा। मारदे हना मेकोपुकी इन लोक्‍ब बाक्‍नीम। गेपुकीमी इजीप्‍ती आन कली ग्रांग्रा मदित्‍चा। मारदे हना गेपुकी मेको आन रागीम बाक्‍शो बाक्‍तीनी।

न्‍यायाधीस 11:17

मिनु एदोम ङा पिप कली ‘इन रागी ङा लां लचा गेकी’ दे लोव़ सोइक्‍त्‍मे बाक्‍त। तन्‍न एदोम ङा पिपमी मेको लोव़ नेंसीन मनेना बाक्‍त। मिनु मोआबी आन पिप कली यो लोव़ सोइक्‍तमे बाक्‍त। तन्‍न मेको यो मबिस्‍से बाक्‍त। मोपतीके इस्राएलीपुकी कादेशमी बाक्‍मा बाक्‍त। गन्‍ती २०:१४-२१

न्‍यायाधीस 11:18

मेकेर रे एदोम नु मोआब रागी हिरशा, गोरशो रागी रे मोआब आ नां दाप्‍तीक गे लमा बाक्‍त। मिनु अरनोन खोला आ नेक्‍था ताम्‍बु कीङमे बाक्‍त। मोआबी आन रागी मओव़म। मारदे हना अरनोन मोआब आ सांद बाक्‍माक्‍त। गन्‍ती २१:१३

न्‍यायाधीस 11:24

इन देवता केमोशमी इन कली गेशो ताइनीनी ममाइ ङा? परमप्रभु यावे, आंइ परमप्रभुमी मार गेबा, गो यो मेको ताइनीकी। गन्‍ती २१:२९