गन्‍ती 20:2 - Sunuwar Bible

² मिनु मेकेर मुर आन कली ब्‍वाक्‍कु मबा। मिनु मुरपुकी मोसा नु हारून आस पर्बम मरिम्‍शो पा बुक्‍तेक्‍म। प्रस्‍थान १७:१-७

गन्‍ती 20:2 ပူးပေါင်းရင်းမြစ်များ

भजन संग्रह 106:32

मेकोपुकीमी मेरीबा ङा ब्‍वाक्‍कु आ नेक्‍था परमप्रभु कली गाइक्‍पाइश्‍शो बाक्‍तेक्‍म। मोपतीके मेको आन पर्बम मोसा कली मरिम्‍शो दुम्‍शो बाक्‍त। गन्‍ती २०:२-१३

प्रस्‍थान 16:12

“गो इस्राएली आन गन गन पा पशो लोव़ नेंता। गे मेको आन कली ‘आपो नाक्‍दो श्‍ये ब्‍वाइनीनी। मिनु सुनी कना रूथ्री शोब्‍ले जाइनीनी। गो परमप्रभु यावे, इन परमप्रभु नङ, दे गे तुइक्‍नीनी’ दे माइक्‍मी” देंत।

प्रस्‍थान 16:2

मिनु इस्राएली नेल्‍ल मोसा नु हारून आस कली तशा गाइश्‍शा, प्रस्‍थान १७:२-३

प्रस्‍थान 16:7

सुनी कना गे परमप्रभु यावे आ छेङछेङ ग्रूशो ताइनीनी। मारदे हना मेकोमी इन परमप्रभु यावे कली गन गन पशो तुइक्‍ताक्‍व। गो निक्‍शी सु नस्‍कु ङा? गे आंस पर्बम गाइक्‍नीनी?” देंताक्‍स।

गन्‍ती 14:2

मिनु इस्राएली नेल्‍ल मोसा नु हारून आस पर्बम गन गन पाम्‍तेक्‍म। मिनु नेल्‍लेमी मेको आस कली “गोपुकी इजीप्‍त उइ बेक्‍शो नकी हना, रिम्‍शो दुम वा। एको गोरशो रागीम बेक्‍शो नकी हना यो, दुम वा। गन्‍ती ११:१; प्रस्‍थान १६:२-३; प्रस्‍थान १७:२-३

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

गन्‍ती 16:19

मिनु कोराहमी ग्रुम्‍तीक ङा मुर नेल्‍ल आन कली मोसा नु हारून आस पर्बम गन गन पचा, दे ग्रुम्‍तीक ताम्‍बु आ ओव़तीकेमी पुक्‍तीमी। मेना परमप्रभु यावे आ छेङछेङ मेको नेल्‍ल आन ङोंइती ग्रूत। गन्‍ती १६:१०

गन्‍ती 16:3

मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।

गन्‍ती 16:42

मिनु मुरपुकीम मोसा नु हारून आस कली गन गन पा बुक्‍शा, ग्रुम्‍तीक ताम्‍बु गे कोव़ङमेनु, गोस्‍सुमी मेको ताम्‍बु कली सुम्‍शो ताम्‍तेक्‍म। मिनु परमप्रभु यावे आ छेङछेङ ग्रूत।

गन्‍ती 21:5

मिनु मेकोपुकीम परमप्रभु नु मोसा आस पर्बम गन गन पा “मारदे गे आंइ कली एको गोरशो रागीम बेक्‍पाइक्‍चा कली इजीप्‍त रागी रे ग्रुंइशा एक चाक्‍सी? एकेर जचा थोव़क मबा। ब्‍वाक्‍कु यो मबा। गो एको मब्रोव़शो जचा थोव़क क्‍येङा ब्रीताक्‍क” देंतेक्‍म।