गन्‍ती 20:10 - Sunuwar Bible

¹⁰ मिनु मोसा नु हारूनमी मुर नेल्‍ल आन कली सेरथे फुल्‍लु आ ङोंइती पुक्‍ताक्‍स। मिनु मोसाम मेको आन कली “गे गन गन पाइबपुकी नेनीन। मार, गो एको सेरथे फुल्‍लु रे इन कली ब्‍वाक्‍कु बुक्‍पाइश्‍शा गेन्‍नी?” दे माइक्‍तीमी। भजन संग्रह १०६:३२-३३

गन्‍ती 20:10 ပူးပေါင်းရင်းမြစ်များ

उत्पत्ती 40:8

मिनु मेको निक्‍शीमी “गो ङोमु ताइतस्‍कु। मिनु मेको ङोमु आ अर्थ मरुप्‍स्‍कु। शेंब मुर मबा” देंसा बाक्‍त। मिनु योसेफमी “परमप्रभुमी मेको ङोमु मार बाक्‍बा दे शेंबा ममाइ ङा? लो, आं कली देनीन” दे माइक्‍सी बाक्‍त। उत्‍पत्ती ४१:१५-१६; दानीएल २:२७-२८

उत्पत्ती 41:16

मिनु योसेफमी फाराओ कली “गो ङोमु ङा लोव़ मतुइक्‍नुङ। परमप्रभुमी फाराओ कली थमा पा थुं नाइक्‍चा ङा लोव़ तुइक्‍पाइक्‍ब” देंमाक्‍त। उत्‍पत्ती ४०:८

भजन संग्रह 78:16

सेरथे फुल्‍लु रे पा ब्‍वाक्‍कु बुक्‍पाइक्‍तु। मिनु खोला खोदेंशो पा शाइक्‍पाइक्‍तु।

प्रस्‍थान 17:6

गो होरेब माइश्‍शो डांडा आ नेक्‍था सेरथे फुल्‍लु तार इ ङोंइती बाक्‍नुङ। मिनु गे मेको सेरथे फुल्‍लु तुप्‍चा माल्‍नेवे। मिनु, सेरथे फुल्‍लु रे ब्‍वाक्‍कु यीब। मिनु मुरपुकीम तूने चाप्‍नीम” देंत। मिनु इस्राएली आन खाल्‍पा आन ङोंइती मोसाम मो पाप्‍तु। गन्‍ती २०:११; १कोरिन्‍थी १०:४

गन्‍ती 20:24

“हारून आ किकी पिपी नु बाक्‍थ लाइब। गे निम्‍फा मेरीबा ङा ब्‍वाक्‍कुम आं देंशो मटितीके, गोम इस्राएली आन कली गेशो रागीम हारून ओव़चा मताइब।

मत्ती 5:22

गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५

१ कोरिन्‍थी 3:7

मोपतीके ख्रुम्‍ब ठेयब ममाइ, ब्‍वाक्‍कु लुक्‍ब यो ठेयब ममाइ। कोल्‍पाइक्‍ब, बारपाइक्‍ब परमप्रभु यावे ठेयब बाक्‍ब।

एफिसी 4:26

गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०

ब्‍यवस्‍था 9:24

गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।