गन्‍ती 2:3 - Sunuwar Bible

³ पूर्ब, नां दाप्‍तीक गे यहूदा आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। यहूदा आ थर ङा मुर आन ठेयब मुर अम्‍मीनादाब आ तौ नहशोन बाक्‍त।

गन्‍ती 2:3 ပူးပေါင်းရင်းမြစ်များ

उत्पत्ती 35:22

मिनु इस्राएल मेको रागीमी बाक्‍मेनु, आ तौ रूबेन आ आफ आ मीश बिल्‍हाह नु इम्‍‍माक्‍त। मिनु इस्राएलमी मेको नेना बाक्‍त। उत्‍पत्ती ४९:४

उत्पत्ती 35:23

लेआ आ तौ रूबेन, याकूब आ ङोंइती जरमेशो तौ बाक्‍माक्‍त। सिमियोन, लेवी, यहूदा, इस्‍साकार नु जबूलून नेल्‍ल लेआ आ तौ बाक्‍मा बाक्‍त।

१ इतिहास 2:10

राम अम्‍मीनादाब आ आफ बाक्‍माक्‍त। अम्‍मीनादाब नहशोन आ आफ बाक्‍माक्‍त। मेको यहूदा आ तौ आन दाते ङा नेल्‍ल क्‍येङा ठेयब बाक्‍माक्‍त। गन्‍ती १:७; गन्‍ती २:३; गन्‍ती ७:११-१२

१ इतिहास 5:2

मिनु यहूदा आ लोक्‍ब आन दातेमी नेल्‍ल क्‍येङा ठेयब दुम्‍त हना यो, मेको रे पा सासन पाइब का ग्रूत हना यो, ङोंइती थिशो तौ आ अधिकार योसेफ केन दुम्‍शो बाक्‍माक्‍त। उत्‍पत्ती ४९:८,१०; ब्‍यवस्‍था ३३:७; उत्‍पत्ती ४९:२२; ब्‍यवस्‍था ३३:१३-१७

प्रस्‍थान 6:23

मिनु हारूनम नहशोन आ समी अम्‍मीनादाब आ तमी एली-शेबा चाक्‍गा बाक्‍त। मेकोमी नादाब, अबीहु, एलाजर नु इथामार थिमाक्‍त। प्रस्‍थान २८:१

गन्‍ती 1:5

मिनु सु सुम इन कली वारच पचा माल्‍नीम देंशा हना, रूबेन आ थर रे शेदेउर आ तौ एली-सुर,

गन्‍ती 1:7

यहूदा आ थर रे अम्‍मीनादाब आ तौ नहशोन, प्रस्‍थान ६:२३

गन्‍ती 10:5

मिनु ठेयब सेंदामी ताप्‍शोनु, पूर्ब गे बाक्‍शो मुरपुकी गाक्‍चा माल्‍नीम।

गन्‍ती 2:4

मेको आन कली खुप्‍शा हिक्‍शोनु ७४ हजार ६ सहे लडाइ पाइब वोंइश मुर बाक्‍नीम।

गन्‍ती 3:38

मोसा, हारून नु आस तौ आन बाक्‍तीके ग्रुम्‍तीक ताम्‍बु आ ङोंइती पूर्ब गे, नां दाप्‍तीके गे दुम्‍चा माल्‍बाक्‍त। मेकोपुकीमी ग्रुम्‍तीक ताम्‍बुम इस्राएली आन पर्बम मार मार पचा माल्‍शो बाक्‍मे, मेको पचा माल्‍बाक्‍तेक्‍म। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम।

गन्‍ती 7:12

मिनु ङोंइती ङा नाक्‍ती यहूदा आ थर ङा मुर आन ठेयब मुर अम्‍मीनादाब आ तौ नहशोनमी आ चढ़ेतीक चाक्‍तु।

गन्‍ती 7:17

दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको अम्‍मीनादाब आ तौ नहशोन आ चढ़ेतीक बाक्‍त।

मत्ती 1:4

अराममी अम्‍मीनादाब थि‍माक्‍त। अम्‍मीनादाबमी नहशोन थि‍माक्‍त। नहशोनमी साल्‍मोन थि‍माक्‍त।

रूथ 4:20

अम्‍मीनादाबमी नहशोन थिमाक्‍त। नहशोनमी साल्‍मोन थिमाक्‍त। गन्‍ती १:७