गन्‍ती 19:20 - Sunuwar Bible

²⁰ मिनु सु ग्रांग्रा दिशो दुम्‍शा यो, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कुम मेको कली मब्रुइश्‍शो बाक्‍ब। मोपतीके मेको ग्रांग्रा दिशोन बाक्‍ब।

गन्‍ती 19:20 ပူးပေါင်းရင်းမြစ်များ

उत्पत्ती 17:14

ख्रोइक्‍तीक चिनु मख्रोइश्‍शो वोंइश मुर नु वोंइश आल आन मुर आन दाते रे तिल्‍चा पुंइसीनीम। मारदे हना मेकोपुकीमी आं कबल पशो प्रोंइशो बाक्‍नीम” देंमाक्‍त।

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

लेवी 15:31

मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।

लेवी 17:16

तन्‍न मेकोपुकीमी आन वा ममुरथु, मचिक्‍साक्‍म हना, मेको आन पशो आ पर्बम मेको दोस ताइब दुम्‍नीम’ दे हारून नु आ तौ आन कली देनो” दे परमप्रभु यावेमी देंत।

लेवी 22:4

मिनु हारून आ तौ, चच युइ आन दातेमी सुइ कुशुल ङा रोइ नु ग्रांग्रा यितीक पशो बाक्‍तेक्‍म हना, मेको ग्रांग्रा मदिशो सम्‍म आं कली चढ़ेशो मारेइ थोव़क जचा ब्‍वचा मदुम्‍ब। सुइमी बेक्‍शो मुर के कि बिउ यिशो मुर रे ग्रांग्रा दिशो दुम्‍शो मुर कली थीबा, लेवी १३:-१५:-

गन्‍ती 15:30

तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९

गन्‍ती 19:13

मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१

गन्‍ती 9:13

तन्‍न तेको मुर ग्रांग्रा दिशो मदुम्‍शो बाक्‍बा, ङोन यो मलशो बाक्‍बा, मेकोमी पास्‍सा चाड ममानेप्‍तु हना, मेको मुर आ मुर आन दाते रे तिल्‍चा पुंइसीब। मारदे हना मेकोमी आ देंशो नाक्‍ती परमप्रभु यावे कली चढ़ेतीक मचढ़ेवो। मेको मुर आ पाप राइब।

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

प्रकाश 22:11

सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। दानीएल १२:१०