गन्‍ती 19:18 - Sunuwar Bible

¹⁸ मिनु नोले ग्रांग्रा मदिशो मुर कामी हिस्‍सोप के ब्राक्‍स मेको चोव़खेतीक ब्‍वाक्‍कुम नुप्‍शा, मेको बेक्‍शो मुर आ ताम्‍बु, मेकेर बाक्‍शो मारेइ मारेइ, मेक बाक्‍ब मुर आन कली, रुश थीब मुर आन कली, साइक्‍चा पुंइसीशो मुर थीब, बेक्‍शो मुर नु तुरस थीब मुर आन कली मेको ब्‍वाक्‍कु ब्रुइक्‍चा माल्‍ब।

गन्‍ती 19:18 ပူးပေါင်းရင်းမြစ်များ

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

भजन संग्रह 51:9

इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन।

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

गन्‍ती 19:17

मिनु मुरुमी मेको ग्रांग्रा दिशो मुर कली चोव़खेचा कली चढ़ेतीक पुलु ग्‍योंबुम कुर पा नक ब्‍वाक्‍कु लुक्‍चा माल्‍ब।

गन्‍ती 19:19

मिनु ग्रांग्रा मदिशो मुरुमी सां नाक्‍तीम नु ७ नाक्‍तीम ग्रांग्रा दिशो मुर आन कली मेको चोव़खेतीक ब्‍वाक्‍कु ब्रुइक्‍चा माल्‍ब। मिनु ७ नाक्‍तीम मेको आन कली चोव़खेतीके नुप्‍ब। मिनु नोले मेकोपुकीम आन वा मुरशा, आन रां चिक्‍सीचा माल्‍नीम। मिनु मेकोपुकी नां लाक्‍गा नोले ग्रांग्रा मदिशो दुम्‍नीम। गन्‍ती १९:१२-१३

गन्‍ती 19:9

मिनु ग्रांग्रा मदिशो मुर कामी मेको बी कली चोशो पुलु खुप्‍शा, मुर आन बाक्‍तीके रे ङोन ग्रांग्रा मदिशो बाक्‍तीकेम वोइक्‍चा माल्‍ब। मेको इस्राएली आन कली चोव़खेतीक ब्‍वाक्‍कु सेल्‍चा कली बाक्‍ब। मेको चोव़खेसीचा कली चढ़ेतीक बाक्‍ब।

यूहन्‍ना 17:17

मेको आन कली इन थमा पतीकेमी ख्रुमीन। इन थमा पतीक चहिं इन लोव़ बाक्‍ब। भजन संग्रह ११०:१६०

यूहन्‍ना 17:19

मेको आन पर्बम गो इन कली जिम्‍मा गेसीनुङ। मेकोपुकी यो थमा पतीकेमी ख्रुम्‍शो मुर दुम्‍शा बाक्‍मल। हिब्रू १०:१०

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

हिब्रू 9:19

मोसामी मुर आन कली परमप्रभु यावे आ शेंशो अरेशो लोव़ नेंपाइक्‍ने थुम्‍शा, बाछा नु बोका आन हुश नु ब्‍वाक्‍कु क्‍याल्‍शा, हिसोप के सेल्‍शो ब्राक्‍सु कली लल ऊनमी फ्रेंशा, परमप्रभु यावे आ अरेशो लोव़ ङा किताब नु मुर नेल्‍ल आन कली ब्रुइक्‍तीमी बाक्‍त। गन्‍ती १९:६